JUMAZA YALAANI KITENDO CHA KUMWAGIWA TINDIKALI RAIA WA UINGEREZA KATIKA ENEO LA MJI MKONGWE ZANZIBAR HIVI KARIBUN.

Jumuiya ya Maimamu Zanzibar (JUMAZA) imelaani vikali kitendo cha kumwagiwa maji yanayosadikiwa kuwa ni tindi kali raiya wawili wa kike wa Uingereza katika eneo la Mji Mkongwe wa Zanzibar hivi karibuni.

Tamko hilo limetolewa na Katibu Mtendaji wa Jumuiya hiyo Muhidin Zubeir Muhidini katika ukumbi wa hoteli ya Mazson’s wakati alipokuwa akizungumza na waandishi wa habari kuhusiana na tukio hilo.

Muhiddin alisema kitendo cha kumwagiwa tindikali raia hao Kirstie Trup na Katie Gee kina lengo la kuitia doa Zanzibar ambayo inasifika kuwa ni kisiwa cha amani na ukarimu wa kuwapokea vizuri wageni.

Aliwataka wazanzibari kuendeleza ukarimu kwa wageni na kudumisha amani na utulivu, na kutotoa mwanya kwa watu au vikundi vya watu vyenye nia mbaya ya kutaka kusababisha mizozo kwa malengo yao binafsi na kuiharibu heshima ya Zanzibar.

Katibu huyo aliliomba Jeshi la Polisi nchini kufanya uchunguzi wa kina na waharaka ili kubaini wahusika wa tukio hilo na kuwafikisha katika vyombo vya sheria .

Aidha aliliomba Jeshi la Polisi kufanya uchunguzi wa tukio hilo kwa uadilifu bila ya kupokea shinikizo kutoka sehemu yoyote ili ukweli upatikane bila ya kuwadhuru watu wasiohisika na tukio hilo .

Sambamba na tukio hilo JUMAZA imeshtushwa na tukio la kupigwa risasi Mhadhiri wa dini ya kiislam Sheikh Issa Ponda huko Morogoro katika mazingira ambayo hadi sasa yanaonekana kuwa na utata. .

Aidha alikemea vikali kauli ya baadhi ya vyombo vya habari vya ndani na nje ya nchi , ambavyo vinahusisha matukio ya aina hiyo na waumini wa dini ya Kiislamu.

Amesema vyombo vya habari vinawajibu wa kutoa habari zilizo fanyiwa utafiti wa kina na kuacha tabia ya kukurupuka kwa lengo la kutafuta umaarufu, huku wakiliacha Taifa kwenye machafuko kama tunavyoshuhudia baadhi ya nchi ulimwenguni.

“Vyombo vya habari visiwe chanzo cha machafuko kwa kutoa taarifa zisizofanyiwa uchunguzi na hatimae kusababisha machafuko,“ alisisitiza Katibu Mtendaji wa JUMAZA..

Ameitaka Jamii ya Kimataifa kwa upande wake kuwa waangalifu na taarifa zinazotolewa na baadhi ya vyombo vya habari ambavyo lengo lake ni kuichafua Zanzibar kimataifa.

Zanzibar yaleo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.