Makada wa chama cha mapinduzi CCM mkoani arusha wakitabiria vibaya chama hicho katika uchaguzi unaotarajiwa kufanyika nchini baadaye mwaka huu.

Baadhi ya makada wa Chama cha Mapinduzi Mkoani Arusha wamesema usaliti , majungu na unafiki unaoendelea ndani ya chama hicho visipodhibitiwa ,chama hicho kitaendelea kushindwa katika chaguzi zinazotarajiwa kufanyika katika maeneo mbalimbali ya mkoa huo .

Wakizungumza wakati wa kumsimika Kamanda wa vijana wa Kata ya Sombetini , Bwana BAKARI MSANGI ,makada hao wamesema inasikitisha kuona hata viongozi wa juu wanawajua watu wanaokisaliti chama ,lakini hawachukui hatua badala yake wanabaki kulalamika .

Akizungumzia malalamiko hayo Mwenyekiti wa Chama cha Mapinduzi wa Wilaya ya Arusha,Bwana WILFRED SOILELI ,pamoja na kukiri kuwepo kwa makundi yanayotajwa kuwa yanakihujumu chama , amewataka watajwe hadharani ili wachukuliwe hatua .

Kwa upande wake kamanda wa vijana aliyesimikwa Bwana BAKARI RAHIBU MSANGI amewa taka vijana kuwa wa kwanza kupambana na watu wanaokisaliti chama na kutowafumbia macho baadhi ya watu wanaofanya vitendo hivyo .

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.