TFDA yateketeza madawa na vipodozi vya zaidi ya mil 700.

Mamlaka ya udhibiti wa chakula na dawa TFDA kanda ya kati imeteketeza vinywaji baridi,vipodozi na madawa ambayo yamekwisha muda wake,yenye thamani ya zaidi ya shilingi milioni saba,ambayo yalikamatwa yakiuzwa katika maeneo mbalimbali ya manispaa ya Morogoro,

Hatua hiyo ya uteketezwaji wa bidhaa imekuja baada ya TFDA kanda ya kati kufanya ukaguzi katika maduka ya vinyaji baridi,vipodozi na madawa katika kata tano za manispaa ya Morogoro na kubaini na kuzikamata bidhaa mbalimbali zilizokuwa zikiuzwa wakati zimewisha muda wake wa matumizi,ambapo mkaguzi wa TFDA kanda ya kati, Abel deule,amesema bidhaa hizo zilikuwa zikiuzwa na kutumika kinyume na sheria na kusababisha madhara makubwa ya kiafya ikiwemo saratani kwa watumiaji,athari kubwa zikiwa ni kwa wanawake na watoto.

Nao wananchi wamesema hatua iliyochukuliwa na TFDA ni nzuri na fundisho kwa wafanya biashara wanaokiuka sheria kwa kuuza bidhaa zilizopitwa na wakati,kwa kuangalia zaidi maslahi yao kuliko kujali afya za watumiaji ambao ni wateja wao.

Kuteketezwa kwa bidhaa hizo kumekuja wiki mbili tu tangu TFDA kanda ya kati,kuyafungia machinjio ya nyama katika manispaa ya Morogoro kutokana na sababu mbalimbali ikiwemo kukithiri kwa uchafu na uchakavu na kutotumika kwa baadhi ya miundo mbinu.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.