DK. BILLAL ASIKITISHWA NA UCHAFU ULIO KITHIRI KATIKA JIJI LA DAR ES SALAAM

Hali ya uchafu katika jiji la Dar es Salaam.

Makamu wa Rais Dr.Mohamed Gharib Bilal leo ameanza ziara ya kutembelea maeneo mbali mbali ya jiji la Dar es Salaam kuangalia hali ya usafi na mazingira ambapo katika maeneo kadhaa alikumbana na malalamiko kutoka kwa wananchi kutokana na hali mbaya ya uchafu huku viongozi wa maeneo husika wakishindwa kuwajibika.

Dr.bilal akiwa amefuatana na waziri mwenye dhamana ya mazingira, mkuu wa mkoa wa dar es salaam pamoja na viongozi wa wilaya alitembelea kituo cha mabasi yaendayo mikoani kilichopo mbagala ambapo alijionea hali ya usafi pamoja na kuzungumza na vijana wanaoshiriki katika vikundi vya ulinzi shiriki.

Dr.Mohamed Gharib Bilal -Makamu wa Rais Tanzania.

Aidha katika soko la buguruni makamu wa rais alikumbana na malalamiko kutoka kwa wafanyabiashara waliodai kuwa soko hilo limekithiri kwa uchafu ,wengine wakidai kuwa soko hilo ni chakavu ,ambapo katika dampo la Pugu wananchi wamesema wanalazimika kula chakula ndani ya chandarua kutokana kukithiri kwa Inzi eneo hilo.

Akizungumzia hali ya usafi Makamu wa rais amewataka viongozi wa manispaa na mkoa kuhakikisha jiji la dsm linakuwa safi kwa kuhakikisha wanawashirikisha wananchi katika utekelezaji .

Waziri wa nchi ofisi ya makamu wa rais mazingira Dr.Teresia huviza amesema viongozi wa mkoa na manispaa za jiji la dsm wameshindwa kusimamia hali ya usafi hivyo kusababisha maeneo mengi hasa ya biashara ,kando za barabara kukithiri uchafu hali inayoweza kuhatarisha afya za wakazi wa jiji la dsm.

Dr.Teresia huviza - Waziri wa nchi ofisi ya makamu wa rais Mazingira

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.