MAMIA WAMPOKEA CHEKA MORO NI BAADA YA KUSHINDA UBINGWA WA DUNIA WBF

Bondia Francis Cheka akiwa sambamba na Mkanda wake aliokabidhiwa Agost 30 baada ya kumtwanga Mmarekani Phil William mwishoni mwa wiki ndani ya ukumbi wa Diamond Jubilee jijini Dar,na hapo bondia huyo akionekana akiwa na mashabiki wake wakati alipokuwa akiwasili mkoani Morogoro anakoishi.

Jimmy Mengel,Morogoro.

Mamia ya wakazi wa manispaa ya Morogoro wamekunyika kumpokea bingwa wa ngumi duniani (WBF) Francis Cheka aliyewasili mkoani humo siku chache baada ya kumtwanga Mmarekani Phill Williams Ijumaa iliyopita Jijini Dar es Salaam na kutwaa mkanda huo wa ngumi duniani.

Wakazi hao wa Morogoro wamempokea shujaa huyo kwa maandano yaliyozunguka kwenye mji huo Morogoro na kuishia kwenye Ukukbi wa Old Trafford ambako wananchi pamoja na viongozi mbalimbalio walijumuika pamoja na kumpongeza nyota huyo.

Aidha kwa upande bingwa huyo wa dunia licha ya kusifu kiwango kilichoonyeshwa na mpinzani wake,amewashukuru watanzania waliojitokeza kumuunga mkono kabla wakati na baada ya pambano hilo la dunia.

Akizungumzia pambano hilo kocha wa bondia huyo Salehe Komando amesema lilikuwa zuri na kwamba ushindi wa Cheka umetokana na jitihada zake na hivyo anajiandaa kwenda Afrika Kusini kunolewa zaidi ikiwa ni pamoja na kuandaliwa pambano mjini Morogoro Mkuu wa Wilaya ya Morohoro Said Amanzi akiahidi kushirikiana na bondia huyo ili aweze kutimiza malengo yake.

Wakati huo huo Wadau mbalimbali wa michezo akiwemo Waziri wa Maendeleo ya Mifugo na Uvuvi Dk.David Mathayo amewataka waandaaji mapambano ya ngumi nchini kuacha ubabaishaji ili kujenga imani kwa wananchi na huku akizungumzia tukio la bondia huyo wa marekani ya kukataa kupanda uliongoni hadi alipwe kwanza fedha zake shilingi milioni 12 kuwa ni tukio la aibu kwa taifa na kwa wanamichezo kwa ujumla.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.