VIONGOZI WA JUMUIA YA AFRIKA MASHARIKI KUKUTANA KAMPALA UGANDA KUJADILI SIASA

Viongozi wa nchi wanachama katika Jumuiya ya Afrika Mashariki (EAC) wanakutana leo mjini Kampala, Uganda kujadili shirikisho la kisiasa la kikanda, kuzindua utoaji wa viza moja kwa watalii wanaotembelea nchi hizo na utumiaji wa vitambulisho vya taifa kwa ajili ya kusafiria kwa raia wa nchi hizo.

Habari zinasema kuwa Rais wa Tanzania Jakaya Kikwete na mwenzake wa Burundi Pierre Nkurunzinza pia wamealikwa katika mkutano huo wa Kampala.

Viongozi hao wawili hawakushiriki katika mkutano uliopita wa viongozi wa nchi za wanachama wa Jumuiya ya Afrika Mashariki (EAC) uliofanyika mjini Kigali.

Wizara ya Mambo ya Nje ya Uganda imetangaza kuwa kualikwa kwa marais wa Tanzania na Burundi ni ishara kuwa mipango hiyo inayojadiliwa inafanyika kwa nia njema kwa ajili ya kuimarisha utangamano wa nchi za kanda hiyo.

Premi Kibanga ambaye ni Mwandishi wa Habari wa Rais wa Rais Kikwete wa Tanzania amesema kiongozi huyo anayejitayarisha kwa mkutano wa katiba mpya jijini Dodoma wiki ijayo atamtuma makamu wake Dr Gharib Bilal katika mkutano wa Kampala.

Kikwete hakualikwa katika mkutano uliopita wa viongozi wa Afrika Mashariki uliofanyika Kigali, Rwanda.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.