ANAWEZA kuwa nawe kwa sababu anavuta muda au anasubiri mambo yake
yamnyookee akuache solemba. Inawezekana kweli akawa anakupenda lakini
tabu ya mabrazameni na masistaduu mapenzi yao huwa nusunusu. Hata siku
moja huwa hayakamiliki. Mifano ipo mingi ndiyo maana najenga hoja hii.
Yule brazameni ambaye alikuwa anajifanya anampenda mrembo wa umri wake,
maisha yakawa matamu na kila mtu akadhani watafika mbali lakini baadaye
yakatokea ya kutokea, kijana akaangukia kwa jimama anayejua kulea,
matokeo yake bila huruma, akampiga teke mpenzi wake akiwa hajui la
kufanya.
Siku zote unapowekeza upendo wako kwa brazameni au sistaduu, unapaswa
kuwa mwangalifu, vinginevyo unaweza kujaa machozi mengi. Wewe kijana wa
kiume, mpende na kumjali mwenzi wako lakini siku akipata mtu anayedhani
ana fedha kuliko wewe, atamkimbilia na kukuacha na mateso ya moyo.
WANAPENDA KULELEWA
Hili ni jibu la yale ambayo nimeyaeleza kwenye kipengele kilicho hapo
juu (Mtego wa Fedha). Unaweza kujiuliza ni kwa nini masistaduu na
mabrazameni ni watumwa wa fedha. Jawabu ni kwamba wanapenda sana
kulelewa ndiyo maana wanakuwa wepesi kushawishika na kukimbilia kwa
wenye uwezo kifedha.
Asili yao ni watu magoigoi kwenye utafutaji. Hupenda kujilegeza, yaani
wao ni lainilaini. Hali hiyo ndiyo huwafanya kuwa watumwa wa watu ambao
hata hawawapendi. Kibinti kidogo kutembea na mzee mfano wa babu yake au
kijana kujitumbukiza kwenye penzi la ajuza, anayemzidi umri hata mama
yake mzazi.
Hii ikupe sababu ya kuona hatari iliyo mbele yako pale utakapojielekeza
kwa mwenzi wako ambaye ana asili ya wale ambao nimewataja hapo. Fikiria
kwamba wanataka muda wote wawe wamependeza hata kama hawana fedha, je,
watakubaliana na maisha yako ya upendo wakati wanaona kuna sehemu ya
fedha?
NIMALIZE KWA MFANO
Kuna ndugu yangu mmoja anaitwa Ponda, huyu ni Mwendesha magari makubwa ya mkoa,
kutokana na sifa yake kitaaluma, aliwahi kuwa mwalimu Shule ya Sekondari
Makongo. Huyu alikuwa na mke wake ambaye ni mtumishi wa Jeshi la
Magereza. Tatizo la ndugu yangu huyo likawa ni kudanganywa na muonekano
wa masistaduu.
Akiwa anafundisha, akadondokea kwa mwanafunzi wake ambaye ni sistaduu wa
kutupwa. Baada ya kukolea kwa mwanafunzi huyo, akaanza kumletea visa
mkewe (askari magereza). Zaidi akawa anamsimanga kuwa hajasoma na kwamba
alikosea kumuoa. Mama ikamuuma, mwisho akaamua kuomba talaka.
Baada ya kuachana, Ponda akasubiri huyo sistaduu amalize kidato cha nne
halafu akafunga naye ndoa. Unadhani maisha yalikuwa mazuri? Haikupita
miezi mingi, ndugu yangu huyo akaanza kuona machungu ya kuoa mwanamke wa
sampuli hiyo. Aliteseka kupita maelezo.
Mke sistaduu huyo alianza kutoa penzi hovyo kwa kila aliyemuona ananukia
fedha. Akaja kugundua kuwa mke wake ni kiwembe, kwani huwatongoza hata
ndugu zake kisa tu apate fedha. Ponda akaumia, akawa anagombana na ndugu
zake. Makosa ya mkewe lakini hakuyaona. Kipendacho roho hula nyama
mbichi.
Siku moja Ponda akasoma SMS ya mkewe kwenda kwa mtoto wa dada yake. Hiyo
iliandikwa: “Samahani Anko, nina shida ya shilingi 500,000 mtu
atakayenipa, naweza kumpa hata penzi. Hata kama ni wewe nitakupa,
sitajali kama wewe ni mjomba wa mume wangu. Sijali kabisa, nataka
fedha.”
Ponda kuona hiyo SMS akagombana na huyo mtoto wa dada yake. Kwani
walifika mbali basi? Leo hii sistaduu huyo ni mke wa mganga mmoja wa
dawa za asili, kwani alipoona huyo mganga ana fedha kuliko mumewe,
alimkimbilia kwa tamaa zake. Ponda ni kilio. Usiombe kukutana na
masistaduu au mabrazameni, wana mambo ya ajabu, watakutesa. Kuwa makini
siku zote.
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment