EAC Yaitaka Burundi kusogeza mbele muda wa uchaguzi wake.

JUMUIYA ya Nchi za Afrika Mashariki (EAC), zimeitaka Burundi kusogeza mbele muda wa uchaguzi kwa mwezi mmoja na nusu ili kurejesha hali ya usalama nchini humo.

Uamuzi huo umefikiwa jana jijini Dar es Salaam na kusomwa na Katibu Mkuu wa EAC, Dk. Richard Sezibera kwa niaba ya wakuu wa nchi za Afrika Mashariki, akisema utasaidia kupunguza vurugu zilizokuwa zikiendelea nchini humo.

Burundi ilikuwa imepanga kufanya uchaguzi wa wabunge wiki ijayo na wa rais Juni 26.

Uamuzi mwingine umezitaka nchi za EAC kuisaidia Burundi kurejesha wananchi wake waliokuwa wamekimbilia huko kutokana na machafuko yaliyotokea.

Pia EAC imetoa wito kwa pande mbili zinazohasimiana kukaa meza moja na kumaliza tofauti zao kwa njia ya amani ili kudumisha demokrasia nchini humo.

Wakati mkutano huo ukiendelea ripoti zinasema kuwa ofisa mmoja wa Tume ya Uchaguzi ameiambia redio moja ya Ufaransa kuwa ofisa mwenzake, Spes Caritas Ndironkeye hajulikani alipo tangu Ijumaa.

Hata hivyo duru zinaeleza kuwa huenda ofisa mwingine akajiondoa na hivyo kusababisha shughuli za tume hiyo kuzorota.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.