Waislamu nchini Uganda wataka wafanyiwe uadilifu.

Mufti wa Uganda Sheikh Shaban Ramadhan Mubajje ameitaka serikali na mashirika ya usalama ya nchi hiyo yanayochunguza mauaji ya viongozi wa Kiislamu kufanya kazi kiuadilifu na kwa viwango vya juu vya utaalamu.

Vyombo vya habari vya Uganda vimemnukuu Mufti wa nchi hiyo akiitaka serikali hususan wale wanaohusika na masuala ya usalama kutumia utaalamu wa hali ya juu katika kazi zao kama wanataka kupata ufumbuzi wa kudumu wa mlolongo wa mauaji ya viongozi wa Kiislamu nchini humo.

Mufti Mubajje alisema hayo wilayani Kamuli mwishoni mwa wiki wakati wa uzinduzi wa eneo la Waislamu lililojengwa na shirika lisilo la kiserikali NGO la Kamuli Good Hope lililogharimu shilingi milioni 75.
Matamshi hayo ya Mufti Mubajje yamekuja kufuatia wimbi la mauaji ya masheikh katika mkoa wa mashariki huku mauaji ya karibuni kabisa yakiwa ni yale ya Sheikh Abdul Rashid Wafula, huko Mbale.

Mufti Mubajje pia amewataka Waislamu wa madhehebu mbalimbali kuungana na kuweka pembeni tofauti zao ndogo ndogo.

Amesema dini ya Uislamu inafundisha amani na kuishi na watu kwa wema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.