BVR zashindwa kutambua alama za vidole*Zazimika mara 6*Waandikishaji wasio na uzoefu kikwazo.

Tatizo la mashine kutokutambua alama za vidole limejitokeza kwa baadhi ya vituo wakati zoezi la uandikishaji likiendelea jijini Dar es Salaam na kusababisha mashine kuzima zaidi ya mara sita huku tatizo la ubovu wa mashine na waandikishaji wasiokuwa na uzoefu likiendelea kulalamikiwa.

Licha ya kuwepo kwa malalamiko tangu siku ya kwanza ya zoezi hili kuanza hapa jijini Dar es Salaam lakini mamlaka husika zimeonekana kushindwa kuyatatua matatizo hayo kwa wakati hali hiyo inapelekea msongamano kwa baadhi ya vituo kutokupungua na watu kulazimika kuamka usiku wa manane kuwahi namba za uandikishwaji siku moja kabla.

TAMBARARE HALISI imetembelea vituo mbalimbali na kushuhudia wananchi wakiwa wamejipumzisha vivulini na wengine wakichapa usingizi wakisubiri kuitwa majina huku kina mama wenye watoto wakilalamikia kutokupewa kipaumbele.

Baadhi ya waandikishaji waliozungumza na TAMBARARE HALISI wamedai kuwa tatizo la vidole vya baadhi ya wananchi kutokusoma kwenye mashine limekuwa likijitokeza mara kwa mara na kulazimika kutumia muda mwingi kuhudumia mtu mmoja hali inayozua kelele kwa watu waliopo kwenye foleni.

Kamanda wa polisi mkoa wa kipolisi temeke akizungumzia zoezi hilo amesema changamoto ambayo wamekuwa wakikabiliana nayo mara kwa mara ni watu kupiga simu vituoni hasa wanapoona wenzao hawafuati utaratibu na kuongeza kuwa hakuna aliyeshikiliwa kutokana na vurugu zinazojitokeza katika vituo hivyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.