Mauzauza ya BVR Yawalaza wananchi nje*Mawakala watimka baada ya mashine kugoma*Fujo za tawala Bonyokwa.

Zoezi la uandikishwaji wananchi katika daftari la kudumu la wapiga kura kwa kutumia mfumo mpya BVR jijini Dar es Salaam na viunga vyake limeendelea kugubikwa na kasoro mbalimbali ambapo wakazi wa Kimara Bonyokwa baada ya mashine zinazotumika kuandikisha kushindwa kufanya kazi na hivyo mawakala wanaoandikisha zoezi hilo kuamua kutimka kimya kimya katika kituo hicho na kuwaacha wananchi wakiwa wamekaa nje ya vituo vyao bila kuandikishwa na kuto kujua hatima yao.

Kwa mujibu wa Bwana Jackson Lyamuya ambaye naye alikuwa yupo kwenye foleni kusubiria kuandikishwa amesema kuwa katika kituo cha Midlendi Kimara Bonyokwa awali kulikuwa na mashine Moja iliyokuwa ikifanya kazi ikaharibika tume ya taifa ya uchaguzi ikalazimika kupeleka Mashine nyingine moja jumla zikawa mbili ambapo cha kushangaza mashine hizo zimefanya kazi kwa muda mfupi hivyo nazo zikaharibika.

Amesema zoezi hilo ambalo linaonekana kusuasua maeneo mengi na ikizingatiwa muda wa kuandikishwa uliowekwa na tume ni mfupi ipo haja tume ya uchaguzi kuangalia namna gani mashine zitafanya kazi bila kusuasua,ambapo katika kituo hicho cha Bonyokwa baadhi ya wananchi walilazimika kubeba magodoro yao na kulala kituoni hapo ili kupata foleni ya kuweza kuandikishwa lakini bado ikawa si kitu kwa kuwa Mashine hizo zimekuwa zikisumbua na kuharibika.

Kutokana na kuharibika kwa mashine hizo wananchi walilazimika kupaza sauti zao kujua nini mustakabali wa zoezi hilo huku wakionekana wenye kujawa na jaziba kwa walicho eleza kuwa wamelala kituoni hapo lakini hakuna ambacho kimeendelea ndipo Jeshi la Poisi likalazimika kuingilia kati kutuliza fujo hizo.

BVR-BOKO.

Boko napo hali imeelezwa kuwa tata katika uandikishwaji ambapo mashine za BVR mbili zilizoletwa eneo hilo ziliharibika,huku wananchi hao wakisema kuwa wamefika kituoni hapo tangia saa kumi na mbili asubuhi lakini bado hakuna mafanikio yeyote.

ENDELEA KUTUFUATILIA KATIKA TAARIFA ZETU,LIKE HAPO JUU ILI UWE WA KWANZA KUPATA HABARI ZETU.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.