Viongozi wa DINI walaani kitendo cha Askari kuuawa na Majapazi Stakishari Ukonga.

Baadhi ya viongozi wa dini na wananchi wamelaani tukio la askari kuuwawa na majambazi jijini Dar es Salaam na kutoa wito kwa jeshi hilo kutawanya askari wenye mafunzo ya kukabiliana na ugaidi kwenye vituo vya polisi ikiwa ni pamoja na kufunga kamera maalum za ulinzi.

Kauli hiyo ina kuja ikiwa nisiku chache kutokea kwa tukio la watu saba kuuawa kwa kupigwa risasi miongoni mwao askari polisi wanne,mtuhumiwa mmoja pamoja na raia wawili huku katika kituo cha Polisi StakiShari nakusababisha askari mmoja kujeruhiwa baada ya watu wanaodhaniwa ni majambazi kuvamia kituo hicho na kuiba silaha zaidi ya 20 na kutokomea kusiko julikana hadi hivi leo.

Kauli hiyo imetolewa na Sheikh Hemed Jalala ambapo mbali na kulaani tukio hilo amesema ni vema jeshi hilo likaimarisha utaratibu wa polisi jamii kwa kutoa mafunzo ya mara kwa mara ya namna ya kuwagundua watu wa baya huku akiwataka viongozi wa dini kusimama katika nafasi zao kwa kuhubiria watu upendo ili wawe na hofu ya mungu kuepusha majanga kama haya.

Kwa upande wa wananchi wamevitaka vyombo vya ulinzi na usalama kuunganisha nguvu na kufanya uchunguzi wa kina ili kukomesha matukio yaliyoshamiri hapa nchini la watu wanaodhaniwa ni majambazi kuvamia vituo vya polisi na kuwaua pamoja na kupora silaha na kuongeza kuwa hali hiyo inawatia hofu wananchi.

Tukio hilo lilitokea julai 12,Ambapo Jeshi la Polisi limetangaza zawadi nono ya shilingi Millioni 50 kwa atakaye fanikisha kukamatwa kwa wahusika.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.