Wananchi walalamikia mawakala kupokea rushwa BVR*Vurugu zatokea zoezi la simamishwa*Waitaka tume iangalie suala hili kwa kina.

MIDLEND.

Zoezi la uandikishwaji wananchi katika daftari la mpiga kura linaendelea ambapo inaelezwa kuwa baadhi ya maeneo ya vituo hivyo yameingia dosari baada ya wananchi kustukia harufu ya Rushwa inayo tawala,kutoka kwa mawakala wa zoezi hilo ili tu wawapitishe watu kujiandikisha ingali watu wengine wameshinda vituoni hapo tangu usiku hadi hivi sasa hali iliyozusha vurugu na zoezi hilo kusimama.

Jackson Lyamuya ni mmoja ya mwananchi aliyeko katika kituo cha uandikishaji mpiga kura kimara Midlend jijini Dar es Salaam,ambapo amesema kuwa hali si shwari kwani mashine ya uandikishaji yenyewe ipo moja hali ambayo inafanya pia zoezi hilo kuwa gumu katika eneo hilo huku watu wakiwa ni wengi wamejitokeza katika mchakato huo.

Wamesema kusuasua kwa zoezi hilo nidhahiri kwamba huenda hata muda uliopangwa ukaisha bila asilimia ya watu waliowengi wakawa hawajaandikishwa hivyo mamlaka husika iangalie namna gani itaweza kuwasaidia ili zoezi hilo liweze kukamilika kwa wakati uliopangwa.

MZAMBARAUNI.

Vurugu zimeibuka katika kituo cha uandikishwaji wananchi katika daftari la mpiga kura Ukonga Kituo cha Mzambarauni baada ya wananchi hao kuwa tuhumu mawakala wa zoezi hilo kuwa wanawaingiza watu kujiandikisha kwa kujuana tofauti na utaratibu ulivyo wa kupanga mstari na kuingia kwa kuitwa namba.

Taarifa kutoka kwa wananchi waliopo kituoni hapo wanasema kuwa utaratibu ulikuwa mzuri wa kuandikisha lakini mawakala wa zoezi hilo wao wenyewe wakauvuruga kwa kua inaonekana wanaowaingiza huenda wana maslahi nao,huku waandikishaji hao wanaonekana pia kuwa taratibu katika zoezi hilo jambo ambalo linasababisha pia msongamano mkubwa usio wa lazima kituoni hapo.

BASIAYA

Wananchi hawa wapo katika kituo cha Boko Basiaya wakiwa wamepanga foleni kwaajili ya kujiandikisha kwenye Daftari la mpiga kura huku wengine wakionekana kukata tama na kukaa chini hadi hapo zamu yao itakapo fika ili wakajiandikishe.

Wanadai licha ya kufika muda mwingi lakini waandishi wanaowasajili katika daftari la kudumu wapo taratibu mno jambo ambalo mtu mmoja hukaa zaidi ya dk 20 ndani kwaajili ya kuchukuliwa maelezo ili apewe kitambulisho.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.