Awali, Basata ilifungia shindano hilo kutokana na waandaaji wake kushindwa kukidhi vigezo zilivyowekwa na baraza hilo na hivyo kulazimika kufungiwa kwa miaka miwili.
Kwa mujibu wa taarifa iliyotolewa na baraza hilo na kusainiwa na Katibu Mtendaji wake, Godfrey Mngereza iliyataja mapungufu yaliyobainishwa na kutakiwa kufanyiwa kazi kuwa ni pamoja na waandaaji hao kushindwa kufuata sheria, kanuni na taratibu za uendeshaji matukio ya sanaa nchini.
Pia walishindwa kuwasilisha nyaraka mbalimbali za shindano lake hususan mikataba ya washiriki huku tatu ikiwa ni kutumia mawakala wasiosajiliwa na kupewa vibali kutoka Basata.
Mngereza alisema kuwa miongoni mwa mapungufu waratibu hao wameyafanyia kazi ni kuanza mchakato wa usajili wa mawakala na kurekebisha kanuni na taratibu za uendeshaji wa mashindano ya urembo ya Miss Tanzania.
Alisema kuwa waratibu hao wamewasilisha muundo wa Kamati ya Uendeshaji wa shindano yenye muelekeo wa kuzingatia jinsia.
Katika kuboresha na kurudisha hadhi ya shindano la Miss Tanzania, LINO International Agency Limited imepewa kibali cha muda kisichozidi miezi minne kwa ajili ya maandalizi ya awali ikiwemo kukamilisha usajili wa mawakala katika ngazi zote husika.
“Baraza linapenda kuwafahamisha wadau wote wa sanaa hususan wale wa shindano la urembo la Miss Tanzania kwamba, Kampuni ya LINO imetekeleza maagizo ya msingi iliyopewa kama masharti ya ,” alisema Mngereza katika Mngereza.
Aliongeza kuwa, “hivyo basi baada ya kufanyia kazi changamoto zilizokuwa zimejitokeza BASATA limeyafungulia mashindano ya Miss Tanzania kwa masharti ya kukamilisha changamoto zilizobakia”.
Ni matarajio ya BASATA kwamba kampuni ya LINO itazingatia taratibu zote za uendeshaji wa matukio ya Sanaa nchini na kwamba haitarudia tena makosa yatakayopelekea kuliweka shindano hili katika hali ya kushuka hadhi na kuzua sintofahamu katika jamii.
Kwa upande wake Mkurugenzi wa Kampuni ya Lino Hashim Lundenga alisema kuwa, uamuzi huo ni wa busara na anaishukuru Basata kwa kulirejesha shindano hilo.
0 comments:
Post a Comment