Mchakato kura za maoni CCM kilindi Tanga walalamikiwa*300 warudisha kadi*Chadema wawakaribisha.

Naibu waziri wa zamani wa afya na ustawi wa jamii na ambaye pia ni mwenyekiti wa umoja wa wanawake CCM mkoa wa Tanga Dr,Aisha Kigoda pamoja na viongozi wa CCM ngazi ya wilaya wamekiri kuwa chama cha CCM katika uchaguzi mkuu ujao wa mwaka huu wilayani kilindi kitakuwa na wakati mgumu kufuatia zoezi la kura za maoni kutawaliwa na viashiria vya rushwa na kusababisha kuchaguliwa kwa wagombea ambao hawauziki kwa wananchi.

Dr.Kigoda ambaye naye alikuwa katika mchakato wa kura za maoni jimbo la kilindi pamoja na wenzake 16 wamedai kuwa baadhi ya viongozi wa CCM ngazi ya wilaya ya kilindi wamekiuka taratibu za chama hicho hivyo wao kwa kushirikiana na wananchi wameahidi kushindwa kutoa ushirikiano kwa mshindi wa CCM katika jimbo la Kilindi kwa sababu matokeo yaliyompa ushindi Omary Kibua yalitawaliwa na viashiria vya rushwa.

kwa upande wa jimbo la Korogwe mjini kada wa CCM na ambaye pia ni mlezi wa wazazi wilaya ya korogwe bwana Allen Nyangasa ametupiwa kadi 300 za wananchama wa chama hicho wakati walipoitisha kikao cha kujadili mustakabali wa kikao cha CCM taifa kama malalamiko ya viongozi waliowataka yamepitishwa hatua ambayo kada huyo alilazimika kuwasihi kuwa waendelee wasubiri majibu kutoka makao makuu ya CCM mjini Dodoma.

Kufuatia hatua hiyo baadhi ya viongozi wa chama cha Demokrasia na maendeleo chadema wilayani Korogwe wamewakaribisha wananchi pamoja na baadhi ya wagombea nafasi mbali za ubunge na udiwani kwa tiketi ya CCM kujiunga na chama hicho kutokana na madai pamoja na malalamiko ya wagombea na wanachama wa chama tawala kuwa uchaguzi uligubikwa na viashiria vya rushwa.
Nimekuwekea hali ilivyohuko kilindi na mchakato mzima wa matokeo Bofya hapa kuona,Like Page yetu uwe wakwanza kupata Story zinapo nifikia.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.