Dk. Nchimbi amesisitiza kuwa Watanzania wanahitaji kuwa na rais mchapakazi na kwenye kuwatumikia na huyo si mwingine bali ni mgombea urais wa Chama Cha Mapinduzi (CCM), Dk. John Magufuli.
Akihutubia wananchi wa Songea mkoani Ruvuna ikiwa ni sehemu ya mikutano ya kumnadi Dk. Magufuli, Nchimbi alisema chama chake kimesimamisha mgombea urais hodari na mchapakazi akiahidi anatenda na wananchi wa Songea Mjini na maeneo mengine ni mashahidi.
Alisema anamfahamu vizuri Dk. Magufuli na hana mashaka naye kwa nafasi anayoomba na ndiyo maana anaomba wananchi wa Songea na Mkoa wa Ruvuma wamchague mgombea urais wa CCM.
Pia, alisema siku zote yeye amekuwa mkweli na hapendi kuzungumza uongo na anawahakikishia Watanzania Rais anayepaswa kuwaongoza baada ya Rais Jakaya Kikwete ni Dk. Magufuli ambaye ndiyo mgombea sahihi.
“Watanzania wanahitaji Rais na si mfano wa Rais. Tumchague mgombea urais wa CCM Dk. Magufuli kwani ni mchapakazi mahiri na ameonesha kwenye ujenzi wa barabara nchini.
“Mwaka wa 2005 wakati nagombea ubunge alikuja Dk. Magufuli na aliahidi ahadi ya barabara ambayo tayari imekamilika. Naomba kura zote za urais apewe Dk. Magufuli ambaye ana kila aina ya sifa zote za uzalendo kwa nchi yake,” alisema Dk. Nchimbi.
Dk. Nchimbi wakati wa mchakato wa kutamfuta mgombea urais wa CCM alikuwa anamuunga mkono Waziri Mkuu wa zamani, Edward Lowassa ambao baada ya jina la Lowassa kukatwa hakukubaliana na uamuzi huo lakini baada ya kupatikana jina la Magufuli alitangaza kumuunga mkono kutoka na kutambua uwezo wake.
Akizungumza zaidi sababu ya kuamini Dk. Magufuli ndiyo chaguo sahihi, Dk. Nchimbi alisema hakuna mgombea ambaye anaweza kufananishwa na Magufuli na kuongeza huu si wakati wa kuchagua mfano wa Rais bali anahitajika Rais kwa ajili ya maendeleo.
“Niwahakikishie chaguo sahihi kwa nafasi ya urais ni Dk. Magufuli tu na si mwingine. Ni hodari na mchapakazi makini anayejua wajibu wake. Nasisitiza tunahitaji Rais na si mfano wa Rais,” alisema.
Magufuli
Kwa upande wake, Dk. Magufuli alisema kuwa anataka kuwa na Tanzania mpya ambayo itawaunganisha Watanzania wote na si kuwabagua kwa sababu ya itakadi ya vyama vya siasa.
Magufuli alisema kuwa Tanzania mpya ambayo anataka baada ya kuapishwa ni kufanya kazi tu na kuongeza itakuwa mwiko kunyanyasa wanyonge ambao wanajitafutia riziki.
Alisema yeye anagombea urais na si uenyekiti na lengo la kuomba nafasi hiyo ni kuwatumikia Watanzania wote na si kubagua na kuongeza atakuwa Rais atakayetumikia watu walio na dini na wasio na dini.
Akiwa anazungumza na wananchi wa Peremiho, Mbinga na Nyasa, Dk. Magufuli alisema anaomba nafasi hiyo ili kuondoa kero zinazowakabili wananchi wa maeneo mbalimbali.
Samia
Katika hatua nyingine, mgombea mwenza wa kiti cha urais, Samia Suluhu Hassan, amesema sekta ya elimu itapewa kipaumbele ikiwa wataingia madarakani baada ya kushindwa uchaguzi mkuu utakaofanyika Oktoba 25, mwaka huu.
Akizungumza katika mkutano wa kampeni uliofanyika Bahi mjini mkoani Dodoma, Hassan alisema kuwa sekta ya elimu itapewa nafasi ya kwanza ili kuwaokoa wasichana na vishawishi wanavyopata hadi kusababisha kukatisha masomo.
“Hili la wanafunzi kukatishwa masomo, nikiwa kama mzazi nitalisimia kwa kushirikiana na Dk. John Mafuguli, ninawaahidi tutajenga mabweni ya kuwalaza watoto wake wasichana ili waweze kupata elimu kwa faida yao na taifa,” alisema.
Hassan alisema suala lingine litakalopewa kipaumbe baada ya kuingia madarakani ni umeme, ambapo aliwaaimbia watawatumia na kuwahimiza wasambazaji wa umeme vijijini (Rea), kusambaza maeneo yote yaliyosalia.
Alisema suala la umeme ni nyeti na lenye manufaa kwa wote, kwani litatoa ajira kwa vijana na hata akina mama, hivyo litapewa msukumo mkubwa katika utawala wao.
Kuhusu kilimo cha umwagiliaji mpunga, Hassan alisema Serikali itajenga skimu za umwagiliaji na kuzifufua ama kuzikarabati zile zilizochakaa ili wakulima waweze kuzitumia katika kilimo.
Alisema Serikali kwa kupitia ilani ya CCM imeahidi kujenga mabwawa kwa ajili ya kilimo na mafugo, hivyo litasaidia kuongeza uzalishaji na ufugaji wa mifugo ya aina mbalimbali.
Badwel
Mbunge aliyemaliza muda wake wa Jimbo la Bahi, Omary Badwel (CCM), amemuomba mgombea mwenza wa nafasi ya urais, kuwasaidia sh. milioni 400 ili waweze kumalizia miradi yao.
Badwel alisema jimboni kwake amefanya mambo menvgi yakiwemo ya kusambaza umeme, maji, kutengeneza skimu za umwagiliaji mpungu na kujenga zahanati katika kata zote 20.
“Tumefanya mambo mengi muhimu kwa wananchi wa Bahi, lakini tatizo la maji bado lipo na linahitaji kutatuliwa, tunakuomba ukiingia Ikulu hili ulipe kipaumbele,” alisema.
Alisema Rais Jakaya Kikwete aliekeleza ahadi yake aliyowapa wakazi wa Bahi wakati wa kampeni, lakini kutokana na ongezeko la watu, wameomba kuongezwa fedha ili waweze kukidhi mahitaji yao.
0 comments:
Post a Comment