Mahujaji watatu wa Tanzania watambuliwa wakiwa ni miongoni mwa mahujaji waliofariki nchini Saud Arabia.

Mahujaji wengine watatu kutoka Tanzania ambao walikuwa hawaonekani tokea ajali ya kukanyagana kwa mahujaji ilipotokea Makkah nchini Saudi Arabia tarehe 24 Septemba 2015 wametambuliwa kuwa,ni miongoni mwa mahujaji waliofariki dunia.

Kutambuliwa kwa mahujaji hao kunafanya idadi ya mahujaji wa Tanzania waliopoteza maisha katika ajali hiyo kufikia ishirini na tano (25).

Majina kamili ya mahujaji hao ni Bi. Faiza Ahmed Omar na Bi. Rehema Ausi Rubaga kutoka kikundi cha Khidmati Islamiya pamoja na Bw. Masoud Juma Khamis kutoka Kikundi cha Ahlu Dawaa.

Hadi sasa mahujaji kumi na tano (15) kutoka Tanzania bado hawajulikani walipo na jitihada za kuwatafuta bado zinaendelea. Aidha, miili ya mahujaji kumi na tisa (19) kutoka Tanzania tayari imeshazikwa nchini Saudi Arabia.

Serikali ya Saudi Arabia inaendelea kutoa taarifa zaidi za kuwatambua mahujaji waliofariki dunia au kujeruhiwa katika ajali hiyo na Wizara ya Mambo ya Nje na Ushirikiano wa Kimataifa itaendelea kutoa taarifa kwa umma kuhusu wahanga wa ajali hiyo kadri itakapokuwa inazipokea.

Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Kimataifa,

Dar es Salaam

19 Oktoba, 2015

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.