Nidhahiri bila juhudi za Samatta Stars haivuki kwa Algeria.

GWIJI wa zamani wa kimataifa wa Tanzania Zamoyoni Mogella, amesema timu ya soka ya Taifa ya Tanzania ‘Taifa Stars’ itategemea ubora wa Mbwana Samatta kuifunga Algeria nyumbani.

Mogella aliyewahi kutamba na klabu za Simba na Yanga kwa nyakati tofauti, alisema Samatta ni mmoja wa washambuliaji mahiri kwa Afrika kwa sasa kutokana na kile anachokifanya kwenye klabu yake ya TP Mazembe.

Alisema mshambuliaji bora anaonekana kwenye mechi muhimu na hivyo Taifa Stars itategemea ubora wa mshambuliaji huyo wa zamani wa Simba kuifunga Algeria nyumbani.

“Nilipokuwa katika ubora wangu ilikuwa ni lazima unione kwenye mechi kubwa, na ndivyo anavyopaswa kufanya Samatta kwa sasa, aibebe Taifa Stars na Algeria nyumbani,” alisema Mogella.

Mfumania nyavu huyo mahiri wa kihistoria alisema kwenye mchezo huo Taifa Stars itatakiwa kutumia nafasi zitakazopatikana kwani kwenye mechi za kimataifa mara nyingi hakuna nafasi nyingi za kufunga.

“Wajiamini tu ila ni jambo la kwanza kabisa ninalowaomba waingie nalo kwenye mechi hiyo, wataanza nyumbani na hawana budi kutumia uwanja wa nyumbani vizuri na kujiweka kwenye nafasi nzuri ugenini,” alisema Mogella.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.