Wananchi na viongozi Mkoani Arusha wafanya zoezi la usafi kukabiliana na Kipindupindu.

Ugonjwa wa Kipindupindu unaendelea kutishia maisha ya wananchi wa mkoa wa arusha hali ambayo imewalazimu viongozi wa mkoa huo na wananchi wakiwemo raia wa kigeni kuendesha zoezi la usafi wa mazingira katika maeneo mbalimbali ya kama sehemu ya kampeni za kukabiliana na janga hilo

Akizungumza baada ya kuongoza zoezi hilo lililoanza alfajiri kaimu mkuu wa mkoa wa arusha Bw.Fadhili Nkurl amesema zoezi hilo ni endelevu na ni wajibu wa kila mmoja kufanya usafi katika eneo lake na amewataka watendaji wa jiji kuhakikisha kuwa yeyote anayekaidi anachukuliwa hatua.

Bw.Nkurl pia amemtaka mkurugenzi wa jiji kuhakikisha kuwa watendaji wanaosimamia idara ya usafi wanatimiza wajibu wao wakiwemo wanaoshughulikia uzoaji wa taka ambao wamekuwa wakilalamikiwa na wananchi.

Kwa upande wao watendaji wa baadhi ya taasisi wakiwemo Dr. Christopher Nzela kutoka chama cha msalaba mwekundu wamesema udhibiti wa ugonjwa wa kipindupindu ni jambo linalowezekana tena lisilo na gharama kinachohitajika ni kila mmoja akitimiza wajibu wake.

Iidadi ya wagonjwa wa kipindupindu katika mkoa wa arusha imekuwa ikionhezeka na kupungua na hadi sasa wagon jwa watano wamelazwa katika kituo cha afya cha levolosi wakiendelea na matibabu na kutokana na kukithiri kwa uchafu mkoa wa arusha umetenga siku ya jumamosi ya mwisho wa mwezi kuwa ni ya kufanya usafi wa jumla.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.