AZAM:Acha Simba na Yanga wafanyiane fitina, sisi tunakimbiza mwizi kimya kimya.

WAKATI Simba na Yanga zikijinasibu kila moja kutwaa ubingwa msimu huu wa Ligi Kuu Tanzania Bara, Azam FC wameibuka na kuingilia kati vita hiyo.
Meneja wa kikosi hicho, Philip Alando, alisema kwa sasa wanaziangalia Simba na Yanga, jinsi zinavyofanyiana fitina na wao wanakimbiza mwizi kimya kimya.
“Wao (Simba na Yanga) wanafanyiana kila aina ya fitina ili mmoja wao aweze kupoteza mchezo, lakini kwa upande wetu hatuna neno na mtu na badala yake tunapambana kimya kimya na mwisho wa siku watashtuka tupo juu,” alisema.
Azam wametwaa ubingwa mara moja katika msimu wa 2013/14, tangu ilipopanda daraja msimu wa 2008, wamepania kuwazidi kete Simba na Yanga.
Katika msimamo wa ligi hiyo, Simba, Yanga, Azam FC na Mtibwa Sugar wana pointi 16 lakini wekundu hao wa Msimbazi wakiongoza kutokana na uwiano wa mabao ya kufunga na kufungwa.
Timu hizo nne pia hakuna hata moja ambayo imepoteza mchezo wowote, kitu ambacho kinaashiria kwamba msimu huu ni ngumu na Azam wametamba kwamba watawashushia kipigo kizito Ruvu Shooting ili kupanda rasmi kileleni.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.