EXCLUSIVE: OBAMA AWASILI TANZANIA KWA ZIARA YA SIKU MBILI, APOKELEWA KWA SHANGWE NA KUSEREBUKA NGOMA ZA KITANZANIA.

Na. Faraja Kihongole,Dar es Salaam.

Rais wa marekani Bacrak Obama amewasili nchini kwa ziara ya siku mbili na ndege ya air force one akitokea afrika ya kusini ambako alikuwa na ziara ya kikazi na kupokelewa na mwenyeji wake rais Jakaya kikwete.

Rais Obama aliwasili kwenye uwanja wa ndege wa kimataifa wa Julius Nyerere jijini dar es salaam majira ya saa nane na dakika 37 mchana akiwa amefuata na mkewe pamoja na watoto wake wawili huku ulinzi ukiwa umeimarika na gari maalumu la kumbeba likiwa pembeni mwa ndege hiyo ya air force one, na shughuli zote za uwanjani hapo kwa asilimia kubwa zikifanywa na makachero wa kimarekani.

Baadaye rais Obama akiwa na mwenyeji wake Rais Jakaya kikwete walipigiwa nyimbo za mataifa haya mawili yaani wa Marekani na ule wa Tanzania ambayo ilikwenda sambamba na upigaji wa mizinga ishirini na moja.

Rais Obama ( Kushoto) akiwa na mwenyeji wake Rais Jakaya kikwete

Hatimaye Rais Obama alikagua gwaride aliloandaliwa na wanajeshi wa jeshi la ulinzi la wananchi wa Tanzania

kabla ya kuelekea Ikulu alikoandaliwa mapokezi rasmi Rais Obama aliangalia ngoma mbalimbali za asili ya kitanzania.

Akiwa nchini rais Obama kesho anatarajiwa kutembelea ubalozi wa Marekani na kukutana na wafanyakazi na baadaye atakwenda ubungo kutembelea mitambo ya kufua umeme inayoendeshwa na kampuni ya symbion ya marekani kabla ya kuondoka kurejea Marekani.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.