WACHINA WATOA HESHIMA ZA MWISHO KUWAKUMBUKA WAZAZI WAO TAZARA.

Baada ya kipindi cha miaka 39 baadhi ya watoto wa wajenzi wa reli ya Tazara kutoka China, wameweza kupata nafasi ya kutoa heshima zao kwa wazazi wao ambao walifariki wakati wanashiriki ujenzi wa reli hiyo miaka ya mwishoni mwa sitini, shughuli ambayo ilifanyika katika eneo yalipo makaburi hayo,Ukonga,Gongo la Mboto jijini Dar es Salaam.

Watoto wa wajenzi wa reli ya Tazara kutoka China wakionekana kwa staili tofauti wakati wakifanya kumbu kumbu ya kuwakumbuka wazazi wao waliofariki.

Huku wengi wao wakibubujikwa na machozi kwa kuyaona makaburi ya baba zao kwa mara ya kwanza, waliweza kuweka mashada ya maua na vitu mbalimbali vinavyoambatana na desturi ya dini zao ikiwemo kuweka matunda, biskuti, keki na kuwasha sigara tatutatu kila kaburi.

Hapo jana wakikaribishwa na balozi wa china hapa nchini, Lu Yu shing, ambae alielezea namna nchi yake ilivyojitoa muhanga wakati ule wa kujitosa kuzisaidia nchi za Zambia na Tanzania kwa kujenga reli hiyo kwa msaada wa dola milioni 500, aliwataka wafiwa hao kuwa na faraja, kwamba wazazi wao walikufa huku wakitekeleza kitendo cha kishujaa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.