RAIS KIKWETE AMTAKA RAIS WA SUDAN OMAR AL BASHIR KUWASAKA WALIO WAUA ASKARI 7 WA TANZANIA WA JWTZ HUKO DARFUR SUDANI.

Askari wa Jeshi la Wananchi Tanzania (JWTZ) wakiwa wamebeba jeneza moja kati ya saba ya miili ya askari wa Tanzania waliokuwa katika jeshi la kulinda amani la Umoja wa Mataifa (Unamid) baada ya kuwasili kwenye Uwanja wa Ndege wa Jeshi (Airwing) Dar es Salaam jana.

Hatimaye miili ya wanajeshi saba wa jeshi la Tanzania JWTZ waliokuwa katika ulinzi wa amani katika jimbo la Darfur nchini Sudan imewasili jana nchini na ndege maalum ambapo makamu wa rais Dk Mohammed Gharib Bilal amewaongoza waombolezaji kupokea miili hiyo.

Katika uwanja ndege wa jeshi la anga jijini Dar es salaam ndugu, jamaa na marafiki wa familia za marehemu pamoja na viongozi mbalimbali wa serikali akiwemno Mkuu wa majeshi ya ulinzi Davis Mwamunyange, mkuu wa jeshi la polisi IGP Said Mwema, mkuu wa mkoa wa Dar es Salaam Said Meck Sadick walishiriki kupokea marehemu hao waliouawa tarehe 13 Julai mwaka huu.

Kaimu mkurugenzi wa habari jeshini Meja Joseph Masanja amewaambia waandishi wa habari uwanjami hapo kuwa miili hiyo imepelekwa katika hospitali ya jeshi lugalo kabla ya kuagwa rasmi katika viwanja vya wizara ya ulinzi na jeshi la kujenga taifa Upanga jijini Dar es salaam.

Hata hivyo siku ya jumatatu Julai 22 majira ya asubuhi heshima zote za kijeshi zitatolewa na baadae kusafirishwa kupelekwa ambako miili itazikwa.

Meja Masanja alisema miili iliyopokelewa uwanjani hapo ni ya Koplo Muhamed Juma Ali, Koplo Muhamed Chukilizo, Private Rodney Msofe, Private Fortunatus Msofe, Sajenti Shaibu Othamn, Koplo Osward Chaula na Private Petter Werema.

Aidha Tayari Amiri jeshi mkuu wa majeshi ya ulinzi na usalama Rais Jakaya Kikwete amekwishafanya mazungumzo kwa njia ya simu na Rais wa Sudan Omar Bashir kufuatia kuuawa na kujeruhiwa kwa askari wa Tanzania, walioko katika ulinzi wa kimataifa wa amani katika jimbo la Darfur na kumtaka Rais huyo kuchukua hatua za haraka kuwasaka na kuwakamata wale wote waliohusika na kitendo hicho kiovu na kuwafikisha mbele ya sheria haraka iwezekanavyo.

Jakaya Kikwete- Rais wa Tanzania

Omar Bashir - Rais wa Sudan.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.