JUKATA: UCHAGUZI WAZIMBABWE NI HURU NA HAKI TOFAUTI NA 2008.

Jukwaa la Katiba Tanzania JUKATA, lililokuwa ni miongoni mwa waangalizi wa kimataifa wa uchaguzi wa Zimbabwe uliofanyika hivi karibuni, limesema uchaguzi huo ulikuwa huru na haki kulinganisha na ule wa mwaka 2008, licha ya changamoto kadhaa zilizojitokeza.

Hayo yamebainishwa na jukwaa hilo mbele ya waandishi wa habari wakitoa tamko lao kuhusiana na uchaguzi huo lililojikita zaidi katika mchakato wa kupiga kura ndani ya katiba mpya ya nchi hiyo na mafunzo muhimu kwa Tanzania.

Akizungumza kwa niaba ya jopo la waangalizi wa jukwaa hilo waliokuwa nchini humo, mwenyekiti wake Asha Aboud, amesema kulikuwa na kasoro chache katika suala la kuandikisha wapiga kura ikiwemo siku chache za kazi hiyo ,ambapo kuhusu kampeni amesema zilienda vizuri licha ya kuwepo kwa matukio machache ya uvunjifu wa amani.

Jukwaa hilo limezungumzia uzoefu na mafunzo walioupata kutoka katoka uchaguzi huo wa Zimbabwe, ikiwemo uchaguzi huo kufanyika siku ya kazi na siku hiyo itangazwe mapumziko ili wananchi wapate nafasi ya kutimiza haki yao ya msingi.

Aidha wamezungumzia umuhimu wa tume ya uchaguzi kuaminika kufuatia vyama vya upinzani kutuhumu vitendo vya tume hiyo kutotoa taarifa muhimu kwa wakati.

Wamesema,wamejifunza kuwa muda mfupi wa kuhakiki daftari inawanyima wananchi kupiga kura, ambapo wamependekeza Tanzania inapoelekea katika kura ya maoni,ni vyema likaanza kuhakikiwa mapema na wapiga kura wapya kuandikishwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.