KIIZA ASAINI MKATABA WA KUICHEZEA YANGA MIAKA MIWILI.

Hamisi Kiiza.

Hatimaye mshambuliaji wa kimataifa wa Uganda, Hamisi Kiiza ‘Diego’ amesaini Mkataba wa miaka miwili kuendelea kuichezea klabu ya Yanga SC ya Dar es Salaam.

Kwa mjibu wa Afisa habari wa Yanga Baraka Kizuguto amesema Kiiza amesaini mkataba huo wa miaka miwili usiku wa kuamkia leo ambapo sasa ataendelea kuichezea klabu ya Yanga hadi mwaka 2015.

Mfumania nyavu huyo hodari kutoka Uganda awali alishindwa na Mabingwa hao wa Ligi Kuu ya Tanzania bara kutokana na kutaka kuongezwa dau kubwa la usajili pamoja na mshahara mnono.

Usajili wa Kiiza umefikisha idadi ya wachezaji wanne kwa wachezaji wa kigeni wengine ni beki Mbuyu Twite, kiungo Haruna Niyonzima wote kutoka Rwanda na mshambuliaji Didier Kavumbangu wa Burundi, ambapo sasa Yanga wamebakiwa na nafasi moja ya mchezaji wa kigeni huku klabu hiyo ikiendelea kupigana vikumbo na mahasimu wao wa kubwa Simba juu ya kutaka kumsajili mshambuliaji wa Uganda Moses Oloya anayesakata kandanda katika klabu ya Saigon Xuan Thanh ya Vietnamambaye mkataba wake unamalizika Agosti 31 mwaka huu.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.