SAKATA LA KUJERUHIWA SHEIKH PONDA MOI YATOA TAARIFA HUKU ASASI ZA KIRAIA NA WANASHERIA WAKILAANI KITENDO HICHO.

Taasisi ya tiba ya Mifupa na Upasuaji wa Mishipa ya Fahamu - MOI, imesema tathmini ya madaktari juu ya afya ya Sheikh Ponda Issa Ponda inaonyesha amepata mvunjiko bila mifupa kupishana katika mfupa mkubwa wa bega la mkono wa kulia.

Sheikh Ponda Issa Ponda.

Kwa mujibu wa taarifa ya kitabibu ya MOI iliyotolewa kwa vyombo vya habari, imekuwa vigumu kujua kama jeraha hilo lilisababishwa na kitu gani na kwamba licha ya tiba ya mwanzo aliyokuwa amefanyiwa ya kushonwa iliamuliwa afanyiwe upasuaji mpya ili kuzuia maambukizi kama kidonda kingeachwa hivyo hivyo, na kwamba bado anaendelea na matibabu.

Kutokana na tukio hilo la kujeruhiwa kwa Sheikh Ponda Issa Ponda, asasi za kiraia kwa kushirikiana na Mtandao wa watetezi wa mashirika ya haki za binadamu tanzania unaojumuisha mashirika ya Tanzania human rights defenders Coalition, kitu cha sheria na haki za binadamu, SIKIKA, TGNP na chama cha waandishi wa habari wanawake Tanzania - TAMWA zimetoa tamko la kulaani tukio hilo sambamba na kuvitaka vyombo vya dola kuzingatia misingi ya haki za binadamu na utawala bora wakati wa utekelezaji wa majukumu yake.

Asasi hizo pia zimeiomba tume ya haki za binadamu na utawala bora ifuatilie matukio ya matumizi ya nguvu yanayofanywa na vyombo vya dola katika sehemu mbalimbali nchini, huku chama cha Sheria Tanganyika, TLS kwa upande wake kikitoa wito kwa viongozi wa serikali, jeshi la polisi na wananchi kuhusiana na matumizi ya nguvu kupita kiasi katika ukamataji wa watuhumiwa.

Onesmo Ole Ngurumwa - Mratibu - Mtandao wa Watetezi wa Haki za Binadamu nchini.

Kwa upande wa Polisi Kanda maalum ya Dar es salaam imesema imemuweka chini ya ulinzi Sheikh Ponda Issa Ponda, kwa usalama wake wakati akiendelea kupata matibabu na kisha itamkabidhi kwa polisi mkoani Morogoro ambako jeshi hilo lilieleza kuwa lilikuwa likimtafuta.

Suleiman Kova

Kamishna wa Kanda maalum ya Dar es salaam Suleiman Kova pia amewaonya wale wote wanaotaka kutumia tukio la kujeruhiwa kwa Sheikh Ponda Issa Ponda, kufanya vitendo vyovyote vitakavyoashiria uvunjifu wa amani.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.