. KESI YA RUTO YAANZA KUSIKILIZWA .

Kesi ya jinai dhidi ya binadamu inayomkabili Naibu Rais wa Kenya William Ruto imeanza kusikilizwa hii leo katika Mahakama ya Kimataifa ya Jinai ICC yenye makao yake mjini The Hague Uholanzi.

Ruto jana alielekea katika mahakama hiyo kwa lengo la kusikiliza tuhuma zinazomkabili za kutenda jinai dhidi ya binadamu baada ya uchaguzi mkuu wa mwaka 2007.

Hayo yanajiri katika hali ambayo, jana Rais Uhuru Kenyatta wa Kenya alisema kuwa, atalazimika kusimamisha ushirikiano wake na Mahakama ya Kimataifa ya Jinai (ICC) iwapo mahakama hiyo itamtaka yeye na Naibu wake William Ruto kuhudhuria vikao vya kesi zao katika mahakama hiyo kwa wakati mmoja.

Rais Kenyatta na Naibu wake William Ruto wanakabiliwa na mashtaka ya kuhusika katika machafuko ya baada ya uchaguzi wa mwaka 2007 ambapo zaidi ya watu 1400 waliuawa.

Wiki iliyopita Bunge la Kenya liliupiga kura ya ndio muswada wa kujiondoa nchi hiyo katika mkataba wa Roma uliounda Mahakama ya Kimataifa ya Jinai (ICC).

Hata hivyo mahakama ya ICC imesisitiza kwamba, hatua hiyo haitoathiri mwenendo wa kesi zinazowakabili Uhuru na Ruto katika mahakama hiyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.