MATUMIZI MABAYA YA CHAKULA YAELEZWA KUWA HATARI KWA MAZINGIRA.

Uchunguzi unaonyesha kuwa israfu au matumzi mabaya ya chakula yanaweza kusababisha athari mbaya kwa mazingira na kuibua mabadiliko yenye kuharibu hali ya hewa.

Hayo ni kwa mujibu wa ripoti ya Shirika la Kilimo na Chakula Duniani, FAO kwa ushirikiano na Shirika la Mazingira la Umoja wa Mataifa UNEP.

Ripoti hiyo iliyozinduliwa jana Jumatano kwenye makao makuu ya FAO mjini Roma Italia kwa ushirikiano na makao makuu ya UNEP mjini Nairobi Kenya inaonyesha kuwa karibu tani bilioni mbili za chakula hutupwa kila mwaka hali ambayo haiathiri tu uchumi bali pia maliasili ambayo ni tegemeo kubwa kwa binadamu.

Akizungumza wakati wa uzinduzi wa ripoti hiyo huko Roma, Mkurugenzi mkuu wa FAO Jose Graziano da Silva amesematheluthi moja ya chakula kinachozalkishwa hutupwa au hutumika kwa njia mbaya.

Ripoti hiyo inaonyesha kuwa chakula kinachozalishwa bila kutumiwa hutumia kiwango kikubwa zaidi cha maji na huchangia karibu tani bilioni 3.3 za gesi inayochafua hewa kwenye anga ya dunia.

Aidha ameongeza kwa kusema kuwa watumiaji wa kila siku hususan kwenye nchi zilizoendelea hutumia vibaya chakula kingi sawia na chakula chote kinachozalishwa barani Afrika kusini mwa jangwa la sahara.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.