Watu wenye uwezo kifedha wavamia fukwe za bahari na kujenga nyumba za kisasa licha ya kuwepo kwa sheria ya mazingira na mipango miji

Watu wanaosadikiwa kuwa na uwezo mkubwa wa kifedha wamevamia fukwe kwa kasi na kufukia kina cha bahari kwa kujenga nyumba za kisasa licha ya kuwepo kwa sheria ya mazingira na mipango miji zinazozuia ujenzi wa nyumba umbali ya mita sitini toka katika kina cha maji katika maeneo fukwe za bahari.

Tambarare Halisi imeshuhidia baadhi ya majengo mapya yakiwa yamejengwa baada ya kusogezwa kwa kina cha bahari katika maeneo ya kawe na mbezi beach,ambapo baadhi ya wakazi waoishi jirani na maeneo hayo wamesema watu wanaofanya uendelezaji huo ni wakubwa kiasi cha mamla zinazotakiwa kutekeleza sheria hizo zinashindwa.

Akizungumza eneo la tukio mkurugenzi wa ufuatiliaji na utekelezaji wa mamlaka ya udhibiti na usimamizi wa mazingira-NEMC Dokta Robert Ntakamulenga amesema tatizo la baadhi ya taasisi ikiwemo wizara ya ardhi, na manispaa la kutofuata sheria za mazingira limechangia kuendelea baadhi ya watu kupimiwa viwanja kihalali katika maeneo fukwe kinyume na sheria ya mazingira.

Kwa upande wake waziri wa nchi ofisi ya makamu wa rais mazingira Dokta Binilithi Mahenge alipofika katika eneo fukwe hizo ameshuhudia uvamizi huo na kukiri kuwa majengo hayo yanapaswa kubomolewa na kusisitiza hakuna aliyejuu ya sheria na kuahidi uvunjaji wa nyumba hizo utafanyika muda mfupi baada ya timu iliyounda na waziri mkuu kushughulikia tatizo hilo itakapo wasilisha taarifa yake.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.