MAHAKAMA ya wilaya ya Chato mkoani
Geita imewahukumu kifungo cha miaka mitano jela kila mmoja,Jospeh
Christopher(25) mkazi wa kijiji cha Nkome na Bahati Juma(28) mkazi wa kijiji
cha Katoro wilayani hapa baada ya kupatikana na hatia ya kujiita maofisa wa
jeshi la polisi kwa lengo la kufanya utapeli.
Katika kesi hiyo washitakiwa
wamedaiwa kufanya utapeli katika kijiji cha BUSERESERE na kufanikiwa kupora
simu mbili aina ya TECNO na NOKIA pamoja na kujipatia shilingi 11,000 kinyume
cha sheria.
Akiielezea mahakama hiyo,Mkuu wa
polisi wilaya ya Chato (OCD), Bw. ALEX MUKAMA, kwa niaba ya mwendesha mashitaka
wa polisi amesema washitakiwa hao walitenda kosa hilo kwa lengo la kujipatia
fedha na simu baada ya kujitambulisha kuwa wao ni maofisa wa jeshi la polisi na
kwamba walikuwa wametumwa kijijini hapo kufanya upelelezi kwa wahalifu.
Aidha baada ya kutumia ulaghai huo
walilazimika kuwaomba vijana wawili simu zao pamoja na fedha kiasi cha shilingi
11,000 kisha kutokomea nazo huku vijana hao wasijue la kufanya,na baada ya muda
kitambo walifanikiwa kumwona mmoja wa matapeli hao akiwa kwenye stendi ya
mabasi na ndipo walipiga yowe kwa lengo la kuomba msaada kwa wasamaria wema
kisha kumkamata na kumfikisha kwenye kituo cha polisi BUSERESERE.
Kufuatia hali hiyo Mukama,ameiomba
mahakama hiyo kutoa adhabu kali kwa washitakiwa ili iwe fundisho kwa wengine
wenye kufanya vitendo vya kulidhalilisha jeshi hilo na kusababisha wananchi
kupoteza imani nalo.
Akisoma hukumu hiyo Hakimu mkazi wa
mahakama ya wilaya ya Chato,Jovith Katto,amesema baada ya mahakama hiyo
kusikiliza pande zote mbili kati ya walalamikaji na utetezi wa upande wa
walalamikia na pasipo kuacha shaka,
Mahakama hiyo imewahukumu kutumikia
miaka mitano jela kila mmoja na kama hawakuridhika na hukumu hiyo wanaruhusiwa
kukata rufaa.
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment