Baada ya Mart Nooij kutimuliwa sasa Mkwasa kukabidhiwa Stars rasmi ili kuinoa.

BAADA ya kumtimua Kocha Mkuu wa timu ya taifa (Taifa Stars), Mart Nooij Shirikisho la Mpira wa Miguu Tanzania (TFF) inafikiria kuwakabidhi kikosi hicho makocha wazawa Boniface Mkwasa au Hemed Moroco.
Kwa mujibu wa habari kutoka ndani ya kikao cha Kamati ya Utendaji kilichokutana juzi mjini Zanzibar ambacho kilifikia kumfukuza, Nooij zimeeleza kuwa baada ya kuafikiana kumuondoa kocha huyo baadhi ya wajumbe walipendekeza majina hayo mawili.
"Baada ya kukubaliana kumfukuza kocha Nooij, baadhi ya wajumbe walipendekeza majina ya makocha wazawa Boniface Mkwasa na Hemes Moroco ambao wana uzoefu na kazi hiyo," kilieleza chanzo cha habari hizi.
Hata hivyo habari hizo zinaeleza kuwa walikubaliana kutoa msimamo kuhusu uteuzi wa makocha hao, baada ya kuwasikiliza kwanza wenyewe kuhusiana na suala hilo.
Chanzo hicho kilieleza kuwa makocha hao hadi jana wangekuwa wamejulishwa kuhusiana na uteuzi wao, kila kitu kitawekwa hadharani wiki hii.
Akizungumzia fununu hizo, Mkwasa alisema tetesi hizo za kukaimu nafasi hiyo ya Nooij, ameshazisikia lakini anasubiri taarifa rasmi ya Shirikisho la Mpira wa Miguu Tanzania (TFF).
Mkwasa alisema akiwa kama kocha wa soka hawezi kukataa jukumu la kuifunza timu ya taifa, lakini cha msingi ni kupata barua rasmi kutoka TFF.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.