Malinzi kuchunguza mchakato wa utoaji wa tuzo za Ligi Kuu ya Vodacom.

KAMATI ya Utendaji ya Shirikisho la Mpira wa Miguu Tanzania (TFF) imemwagiza Rais wa shirikisho hilo, Jamal Malinzi kuunda Kamati Maalumu ya kusimamia mchakato wa utoaji wa tuzo za Ligi Kuu ya Vodacom.
Kwa mujibu wa taarifa iliyotolewa kwa vyombo vya habari jana na Ofisa Habari wa TFF, Baraka Kizuguto, hatua hiyo imekuja baada ya kuzingatia upungufu uliojitokeza katika uteuzi wa tuzo za ligi hiyo msimu wa 2014/15.
"Kamati hii itazingatia umuhimu wa kuhusisha Idara za Ufundi za TFF katika zoezi hilo na wadhamini na ligi watahusishwa kwa ukaribu katika zoezi hili," alisema Kizuguto.
Kizuguto alisema katika kikao hicho kamati hiyo pia ilipitia rasimu ya kanuni za Ligi Kuu, FDL na SDL za msimu ujao wa 2015/16.
Alisema mabadiliko makubwa yaliyofanywa ni kwenye maeneo yafuatayo: Kamati hiyo imesisitiza kuwa hakuna klabu itakayopitishiwa usajili wake kama kupewa leseni ya klabu ya msimu.
Kizuguto alisema kamati hiyo pia iliridhia wazo la Kamati ya Maamuzi kuwa kuanzia msimu 2015/16 kutakuwa na jopo maalumu ya waamuzi (Elite referees) litakalochezeshwa mechi zote za Ligi Kuu.
"Waamuzi hawa watakuwa ni 16 wa kati, 32 wa pembeni na wanne wa akiba. Hii itasaidia kuongoza ufanisi katika uamuzi," alisema.
Katika hatua nyingine,Kizuguto alisema klabu zimeongezwa mgawanyo wa mapato ya milangoni na sasa zitakuwa zinachukua asilimia 60 ya mapato ya mlangoni, makato mengine ni asiliamia 18 VAT na asilimia 15 gharama za uwanja.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.