Mazungumzo kati ya serikali na vyama vya upinzani nchini Burundi yanatarajia kuanza tena leo.

Mazungumzo kati ya serikali na vyama vya upinzani nchini Burundi yanatarajia kuanza tena leo katika juhudi za hivi karibuni za kutatua mgogoro wa nchi hiyo.

Mazungumzo hayo yanakuja huku wachambuzi wakisema kuanza kwa mazungumzo hayo mapya kunaweza kusaidia kuleta muafaka wa matatizo yaliyogubika uwanja wa siasa wa nchi hiyo.

Burundi imekumbwa na machafuko ya maandamano na jaribio la mapinduzi kupinga uamuzi wa Rais PIERRE NKURUNZIZA kutaka kugombea muhula wa tatu.

Umoja wa Ulaya umeionya Burundi kwamba huenda ukaiwekea vikwazo kwa wote wanaohusika na machafuko na kufikiria hatua nyingine dhidi ya taifa hilo linalotegemea misaada.

Watu wapatao 70 wameripotiwa kufa na maelfu ya wengine kukimbia makazi yao kutokana na machafuko yaliyoikumba nchi hiyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.