Ngassa aanza mazoezi kujiweka imara kabla ya kuelekea nchini Afrika Kusini.

ALIYEKUWA mchezaji hatari wa timu ya Yanga msimu uliomalizika,Mrisho Ngassa amefanya mazoezi na timu yake hiyo ili kujiweka sawa kabla ya kuelekea nchini Afrika ya Kusini.
Ngasa amesajiliwa na timu ya Free State ya Afrika Kusini baada ya kumaliza mkataba wake na Yanga msimu wa ligi wa 2014/15.
Mchezaji huyo ambaye alionesha kiwango kizuri aliisaidia kwa kiasi kikubwa timu yake hiyo ya zamani kuchukua ubingwa mapema kwa kufikisha pointi ambazo sizingefikiwa na timu nyingine katika ligi kuu iliyomalizika.
Akizungumza baada ya mazoezi hayo yanayofanyika katika uwanja wa Karume jana, Ngasa alisema kuwa ameamua kufanya mazoezi na timu yake ya zamani ili kujiweka sawa.
Alisema, anahitaji kujiweka sawa kwa ajili ya ligi kuu ya nchini Afrika ya Kusini ambayo itaanza hivi karibuni.
Alisema kuwa kwa sasa anachokisubiri ni ripoti ya uongozi wa klabu yake hiyo ili kujua inaingia kambini lini.
"Kwa sasa nipo nyumbani nikisubiri ripoti ya uongozi kujua timu inaingia lini kambini ili niweze kujiunga na wenzangu kambini," alisema Ngassa.
Mchezaji huyo mwenye kasi ya ajabu amesema atahakikisha anaendeleza makali yake katika timu yake hiyo mpya.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.