Sakata la mgogoro wa wanafunzi wa famasia KIU Kutua kwa JK.

Mgogoro ambao umekua ukifukuta kwa muda sasa bila ya utatuzi kati ya WANAFUNZI wa Kitivo cha Sayansi ya Afya Chuo Kikuu cha Kampala (KIU) umeingia sura mpya baada ya wazazi wa wanafunzi wanaosoma kozi hiyo kueleza kusudio lao la kwenda kuonana na rais kikwete ili kujua hatma ya watoto wao huku idadi kubwa ya wanafunzi wakiwa hawaripoti chuoni licha ya matamko mbalimbali yaliyotolewa na serikali.

Uamuzi wa wazazi hao kuingilia kati ni kile walichodai kuwa wameuvumilia mgogoro huo kwa muda mrefu kwani ni zaidi ya miezi sita watoto wao hawajahudhuria masomo hivyo hatua iliyobaki ni kwenda kuonana na rais wa jamhuri ya muungano Dkt.Jakaya Kikwete ili kujua hatma ya hili.

Wakizungumza na Tambarare Halisi iliyotaka kujua kuwa licha ya matangazo yanayo tolewa juu ya kurejea chuoni hapo je wao wana msimamo gani? Wanafunzi wanao soma kozi ya famasia Walisema kuwa hawawezi kurudi hadi kozi hiyo itakapopata usajili kwani kila mara wamekuwa wakiahidiwa bila mafanikio huku wakiomba serikali kuwahamisha kama suala la usajili limeshindikana.

Kufuatia sakata hili ambalo limeonekana kuchuua muda Tambarare Halisi ilifika wizara ya afya na ustawi wa jamii ili kupata ufafanuzi juu ya mgogoro huo lakini cha kustaajabisha msemaji wa wizara hiyo Nsachris Mwamaja ambaye hakutaka kurekodiwa amedai wizara haihusiki na mgogoro huo na kwamba uko mikononii mwa kamati iliyoundwa na bunge kwa ajili ya kulifuatilia.

Hivi karibuni Waziri waelimu na mafunzo ya ufundi Dkt.Shukuru Kawambwa alipiga kambi chuoni hapo ilikuweka mambo sawa lakini juhudi ziligonga mwamba na kudai waziri wa afya ndiye atakaye limaliza suala hilo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.