Argentina kuvaana na Colombia Copa America.

ARGENTINA itamenyana na Colombia ya Radamel Falcao katika Robo Fainali ya Copa America Ijumaa hii nchini Chile.
Wenyeji Chile watamenyana na Uruguay katika Robo Fainali ya kwanza kwsho wakati keshokutwa Bolivia watamenyana na Peru.
Robo Fainali ya mwisho itachezwa Jumamosi kati ya Brazil na Paraguay. Brazil imetinga Robo Fainali kwa wa mabao 2-1 dhidi ya Venezuela usiku wa kuamkia jana.
Ratiba kamili ya michuano hiyo ni Chile v Uruguay (kesho) Bolivia v Peru (Alhamisi) Argentina v Colombia (Ijumaa) na Brazil v Paraguay (Jumamosi).
Ikicheza bila ya nyota tegemeo lake, Neymar aliyefungiwa mechi nne kwa utovu wa nidhamu aliouonesha katika mchezo dhidi ya Colombia, Brazil ilipata mabao yake kupitia kwa Thiago Silva dakika ya tisa na Roberto Firmino dakika ya 51.
Fedor ndiye mfungaji wa bao pekee la Venezuela, aliyemtungua kipa Jefferson zikiwa zimesalia dakika tano mchezo kumalizika.
Colombia imelazimishwa sare ya 0-0 na Peru, huku mshambuliaji Radamel Falcao akitolewa uwanjani dakika ya 65 baada ya kushindwa kufurukuta mbele ya ukuta wa Peru.
Sare hiyo inazifanya timu zote hizo zimalize mechi za Kundi C na pointi nne kila moja na Peru inakwenda Robo Fainali moja kwa moja kama mshindi wa pili nyuma ya Brazil.
Sare hiyo pia inaitupa nje ya michuano hiyo Ecuador iliyokuwa Kundi A,ambayo imemaliza na wastani mbaya zaidi kati ya washindi wa tatu wa makundi yote.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.