Serikali kuelimisha jamii juu ya mpango wa uzazi kwa lengo la kulinda afya ya wanawake na watoto.

Serikali imesema inaendelea na kampeni ya nyota ya kijani kwa nchi nzima ili kuelimisha jamii juu ya mpango wa uzazi kwa lengo la kulinda afya ya wanawake na watoto na kudhibiti ongezeko la watu kiholela.

Akijibu swali Bungeni Naibu Waziri wa Afya na Ustawi wa Jamii Dr. KEBWE STEPHEN KEBWE amesema pamoja na kampeni hizo za uhamasishaji wa nyota ya kijani mbinu mbalimbali pia zimekuwa zikitumika kuhamasisha jamii zikiwemo kutumia redio na televisheni, vipeperushi na mabango.

Naye Naibu Waziri wa Uchukuzi DR. CHAROES TIZEBA ameliambia Bunge kwamba Serikali kupitia Mamlaka ya usimamizi wa Bandari Tanzania-TPA- imeanza kulipa fidia kwa wakazi wa eneo la BUTUNGU na KATOSHO katika manispaa ya Kigoma Ujiji ili kupisha mradi wa ujenzi wa Bandari Kavu katika eneo hilo.

Akijibu swali amesema tathimini imebaini kuwa zaidi ya shilingi bilioni 12 zinahitajika kwa ajili ya malipo ya fidia kwa wakazi elfu moja na mia mbili na 28 watakaopisha eneo hilo la mradi.

Wakati huo huoSerikali imepanga kutaifisha mali za watuhumiwa waliohusika kuwaingiza raia wenye asili ya India na Nepal nchni kwa ajili ya kufanya kazi zisizokuwa za heshima katika klub za usiku jijini dare s salaam.

Akijibu swali Bungeni Naibu Waziri wa Mambo ya Ndani PERREIRA SILIMA Amesema raia hao walipata vibali sahihi kutoka idara ya uhamiaji na baraza la Sanaa Tanzania kwa misingi ya kufanya kazi halali za usanii wa ngoma zenye asili ya utamaduni wa India na Nepali lakini walikiuka masharti ya vibali hivyo na kurejeshwa makwao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.