TFDA yatakiwa kulinda afya za Watanzania.

SERIKALI imeitaka Mamlaka ya Chakula na Dawa Tanzania (TFDA); kulinda afya za Watanzania, kudhibiti soko la bidhaa bandia.
Hayo yamesemwa na Katibu Mkuu Kiongozi,Sefue Ombeni,wakati wa kuzungumza na wafanyakazi wa TFDA katika, Wiki ya Maonyesho ya Utumishi wa Umma.
Ombeni amesema TFDA ni chombo ambacho kimepewa mamlaka na serikali kwa kudhibiti na kusimamia afya za Watanzania; hivyo hakuna budi kudhibiti mianya ambayo inapitisha bidhaa ambazo hazina ubora.
"Serikali ipo pamoja na TFDA mwendeleze majukumu yenu kwa kusimamia misingi ya kazi yenu," alisema Sefue.
Kwa upande wake,Mkurugenzi Mkuu wa TFDA, Hiti Silo,amesema TFDA ni Taasisi iliyo chini ya Wizara ya Afya na Ustawi wa Jamii, yenye jukumu la kudhibiti usalama na ubora wa chakula; dawa na vipodozi na vifaa tiba.
Silo amesema mamlaka hiyo imeundwa chini ya sheria ya chakula dawa na vipodozi ya mwaka 2003 na mwaka 2013 imetimiza miaka 10 na mamlaka inatimiza majukumu yake kwa kuzingatia sheria.
Kuhusu mafanikio katika kipindi cha miaka 10 TFDA imefanikiwa kujenga ofisi ya ghorofa tatu lililozinduliwa mwaka 2008 na aliyekuwa Rais wa Zanzibar na Mwenyekiti wa Baraza la Mapinduzi la Zanzibar; Dkt. Amani Abeid Karume.
Aidha,amesema katika kipindi cha miaka kumi TFDA imefanikiwa kuhakiki usalama, ubora na ufanisi wa bidhaa, chakula, dawa, vipodozi na vifaa tiba.
"Katika kipindi hicho jumla ya bidhaa 19,635 zimesajiliwa kama ifuatavyo vyakula 5,918,dawa 4,782, vipodozi 3,968 na vifaa tiba 4,967.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.