ACACIA:Program ya kupanda mlima Kilimanjaro fedha zitakazokusanywa zitatumika kuwasomesha wanafunzi wasio na uwezo.

Kampuni ya Uchimbaji Madini ya ACACIA imeanzisha program ya kupanda mlima Kilimanjaro ambayo fedha zitakazokusanywa zitatumika kuwasomesha wanafunzi wanaoishi karibu na migodi inayomilikiwa na kampuni hiyo wanaoshindwa kuendelea na masomo ya sekondari kwa kukosa ada na matumizi mengine ya msingi.

Utekelezaji wa mpango huo umeanza kwa baadhi ya wafanyakazi wa kampuni hiyo kutoka nchini na nje ya nchi kuanza safari ya kupanda mlima huo na kwamba kampuni inatarajia kukusanya dola za Marekani milioni nane kutokana na program hiyo.

Akizungumza katika lango la Machame la kuingilia mlima Kilimanjaro ambako wafanyakazi hao walianzia kuupanda mlima huo, Kaimu Mhifadhi wa Hifadhi ya Mlima Kilimanjaro CHARLES NGEDO amesema kwa tanzania licha ya kuwanufaisha wanafunzi wanaolengwa pia ni njia pekee ya kuutangaza mlima huo kimataifa.

Ofisa Mtendaji Mkuu wa kampuni ya ACACIA inayomiliki migodi ya Bulyankulu, Buzwagi na North Mara BRAG GORDON na wafanyakazi walio kwenye safari ya kupanda mlima wamesema wanaamini kuwa zoezi hilo ambalo litakuwa endelevu litawanufaisha watoto wengi hususani wale wanaotoka kwenye familia duni.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.