Uganda, UN zajadili magendo ya dhahabu Kongo DR.

Waziri wa Ulinzi wa Uganda amekutana na kufanya mazungumzo na mkuu wa kamati ya vikwazo ya Umoja wa Mataifa, juu ya magendo ya dhahabu nchini Jamhuri ya Kidemokrasia ya Kongo.

Kwa mujibu wa ripoti hiyo, Crispus Kiyonga alikutana na Dina Kawar na kujadiliana naye masuala mbalimbali ya Kongo DRC, kubwa zaidi ikiwa ni suala la magendo ya dhahabu ya Kongo.

Katika mazungumzo hayo Waziri wa Ulinzi wa Uganda amesema kuwa, Kampala inafanya kila juhudi kupambana na magendo ya dhahabu za Jamhuri ya Kidemokrasia ya Kongo.

Amesema kuwa, kutodhibitiwa vyanzo vya utajiri wa maliasili mashariki mwa Kongo DRC, kunatoa mwanya kwa makundi ya wabeba silaha kutumia vyanzo hivyo kinyume cha sheria na kuchochea machafuko katika maeneo hayo.

Waziri wa Ulinzi wa Uganda ameongeza kuwa, kukosekana usimamizi mzuri wa vyanzo hivyo, kunaweza kuwa moja ya njia zinazochochea kuzuka makundi ya kigaidi katika maeneo hayo.

Aidha viongozi hao wamejadiliana suala la kutiwa mbaroni Jamil Mukulu, kiongozi wa kundi la waasi wa ADF ambao wanatuhumiwa kufanya mauaji ya karibu watu 300 tangu mwezi Oktoba mwaka jana huko mashariki mwa Jamhuri ya Kidemokrasia ya Kongo. Kiyonga amesema kuwa, Mukulu atakabidhiwa kwa serikali ya Uganda karibuni hivi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.