WHO yasema dola milioni 100 za kimarekani bado zinahitajika kupambana na Ebola.

Mkurugenzi msaidizi wa WHO anayeshughulikia mambo ya dharura Bw. Bruce Aylward amesema, dola za kimarekani milioni 100 bado zinahitajika katika mapambano dhidi ya Ebola katika nchi za Afrika ya magharibi.

Baada ya Liberia kutangaza kumalizika kwa maambukizi ya Ebola tarehe 9 Mei, idadi ya wagonjwa wa Ebola nchini Sierra Leona na Guinea imekuwa ikipanda na kushuka, ambapo wiki iliyopita, WHO iliripoti wagonjwa wapya 12 wa Ebola, 9 kutoka Guinea, na 3 Sierra Leone. Bw. Aylward amesema, kama kazi zitaendelea vilivyo, Sierra Leone na Guinea zitakomesha Ebola mwezi Septemba mwaka huu, lakini kuna uwezekano maambukizi hayo yakaendelea hadi mwishoni mwa mwaka huu.

Amesema, mbali na upungufu wa fedha, vita dhidi ya ebola inakabiliwa na changamoto nyingine kwa mfano msimu wa mvua ambao umeanza katika Afrika Magharibi na kuweza kuongeza maambukizi ya magonjwa kama malaria na kuhara, hali ambayo itaongeza ugumu wa kuthibitisha kesi ya Ebola kutokana na hali zinazofanana.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.