Uhabawa maji wasababisha magonjwa ya mlipuko kijiji cha Fulwe.

Tatizo la maji lililodumu kwa muda mrefu tangu miaka ya sabini KATIKA kijiji cha FULWE kata ya MIKESE wilayani Morogoro,imelalamikiwa na wananchi wa eneo hilo kwa kile wakisemacho kuwa hali hiyo inafanya wao wakabiliwe na magonjwa ya mara kwa mara ya mlipuko na wengine kugongwa na magari makubwa wakati wakienda kutafuta maji.

Wananchi wa eneo hilo wamesema uhaba huo wa maji umekuwa ukisababisha matumizi ya maji yasiyo safi na salama na kuwalalamikia viongozi wa eneo hilo kushindwa kutatua tatizo hilo sambamba na kukosekana kwa ushirikishwaji mzuri wa mipango ya maendeleo hali inayosababisha pia matabaka baina ya viongozi na wananchi.

Mwenyekiti wa mtaa wa FULWE Said Katembo ameelekeza lawama kwa watendaji wa halmashauri ya wilaya kwa kukosa ushirikiano na viongozi wa vijiji, hivyo kushindwa kufikisha huduma zinazo tolewa na serikali ikiwemo vocha za pembejeo kwa wakulima pamoja na kuwepo kwa mikataba ya kughushi ya wapokeaji wa ruzuku hizo,huku mkuu wa wilaya ya Morogoro Jordan Rugimbana aliyetembelea eneo hilo,akiahidi kukabiliana na malalamiko hayo na kusisitiza uzingatiwaji wa ujenzi wa maabara katika kata zote ili kupata wataalam wenye ujuzi wa kutosha kusaidia kuleta maendeleo katika vijiji na taifa kwa ujumla.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.