Pluijm kupitisha chekeche Yanga.

KOCHA wa Mabingwa wa Ligi Kuu Tanzania Bara, Hans der van Pluijm anatarajiwa kuwasili nchini Juni 4 mwaka huu akiwa tayari kuanza mazoezi kwa ajili ya kujindaa na msimu ujao.

Pluijm aliondoka nchini mara baada kuiongoza timu hiyo ya Jangwani kwa msimu wa 2014/15 na kutwaa kutwaa ubingwa ikiwa imesalia na michezo miwili mkononi.

Katibu Mkuu wa kikosi hicho, Dk. Jonas Tiboroha alisema kuwa pindi kocha huyo atakapowasili, timu hiyo itaanza mazoezi rasmi kwa ajili ya kuanza maadalizi ya msimu ujao.

Tiboroha aliyekuwa akihojiwa na kituo kimoja cha redio alisema wachezaji wa wapya na wale wa wanaondelea na mkataba yao wataanza kuwasili klabuni hapo kuanzia leo.

Tofauti na hilo, Dk. Tiboroha alisema kuwa katika mazoezi hayo yatakayoanza muda mfupi baada kocha kuwasili kutakuwepo na wachezaji kadhaa wa kigeni ambao watakuwa katika
mchujo.

“Katika kambi hiyo kutakuwepo na wachezaji kadha wa kigeni ambao nao wataungana na wachezaji wengine kwa ajili ya kufanya mazoezi ya pamoja ili kutafuta nafasi ya kusajiliwa kwa ajili msimu ujao na atakayefuzu tunaweza kuwa naye,” alisema.

Hata hivyo alisema katika usajili wa wachezaji wa kigeni utasubiri kupata ridhaa ya Shirikisho la Mpira wa Miguu Tanzania (TFF) kwa maana hadi sasa tayari kikosi hicho kina wachezaji watano.

Yanga ni miongoni timu zinazotaka TFF kurekebisha sheria za kusajili wachezaji wa kigeni kwa kuongeza idadi ya watano hadi wanane ili kutoa fursa ya kukiimalisha kikosi chao.

Wachezaji watano wa kigeni ambao wanaokitumikia kikosi hicho ni Andrey Coutinho (Mbrazil), Mbuyu Twite na Haruna Niyonzima (Rwanda), Kpah Sherman (Liberia), Amissi Tambwe.

Baadhi ya wachezaji wa kitanzania ambayo tayari wameshatua katika kikosi hicho ni Deus Kaseke na Malimi Busungu wanandinga ambao wanaaminika watakuwa chachu ya ushindi na kuchukua ubingwa msimu ujao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.