Wananchi wa Mtwara watoa ardhi Ekari 2500 kwa ujenzi wa bandari*Wakanusha kauli ya Mdee kuwa wanarubuniwa kuuza ardhi.

Wananchi wa vijiji vya Mgao na Kisiwa ,katika Kata ya Naumbu Mtwara Vijijini wamesema kwa hiari yao wameridhia kutoa ardhi Ekari Elfu- mbili na 500 kwa ajili ya ujenzi wa bandari na tayari taratibu za kupata stahiki zao zinaendelea .

Wananchi hao wamekanusha kauli ya Mbunge wa Kawe ,HALIMA MDEE aliyedai wamerubuniwa na kuuza ardhi hiyo kwa bei poa.

Kauli hiyo ya wananchi imekuja baada ya mbunge huyo kutoa kauli za kulalamikia uuzwaji holela wa ardhi ,ikiwemo ya vijiji hivyo bungeni wakati akichangia hoja katika Wizara ya Ardhi, Nyumba na Maendeleo ya Makazi.

Wakizungumza kwa masikitiko baadhi ya wananchi na viongozi wao wamelaani kauli za baadhi ya wanasiasa ambazo wakati mwingine wamesema zina weza kuzua migogoro.

Akizungumzia hilo Meneja wa Bandari Mkoa wa Mtwara ,ABELI MWASENGA amesema upimaji wa eneo waliotoa kwa ajili ya ujenzi wa bandari unaendelea vizuri na mara utakapokamilika wanatarajia kutoa fidia kwa wakazi wa vijiji vya Mgao na Kisiwa.

Kijiji cha mgano kimetoa ekari 1,500 wakati kijiji cha Kisiwa kimetoa Ekari Elfu moja kwa ajili ya ujenzi wa bandari itakayomilikiwa na mwekezaji wa kiwancha cha saruji Al - Haji ALIKO DANGOTE.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.