Kama ilivyoada yetu, sasa ni muda wa kufanya uchambuzi wa vichwa vya habari vilivyopewa kipaumbele katika magazeti ya leo nchini Uturuki.

#Gazeti la Star: Wahalifu wasiachwe bila kuadhibiwa, asema Hollande
Rais wa Ufaransa, #Francois Hollande amempigia simu rais wa Uturuki Recep Tayyip Erdoğan na kutoa rambirambi zake kufuatia shambulizi la Suruç.
Rais Erdoğan alimueleza kuwa lengo la shambulio hilo ni kuiondosha amani ya Uturuki, na mara moja watu waliohusika na tukio hilo watakamatwa na kuwajibishwa.
Akiongeza kuwa Uturuki inapambana na kundi lolote la kigaidi likiwemo DAESH, Erdogan alitoa wito kwa nchi washiriki wa vita hii dhidi ya ugaidi kuonyesha ushirikiano wao.
#Gazeti la Haberturk: Awali rejareja, kisha faida kwa sekta ya magari
Makubaliano ya kuondosha vikwazo dhidi ya Iran yaliyotiwa saini na nchi za Magharibi yataleta mabadiliko sana kwa uchumi wa Uturuki na ule wa Umoja wa Falme za Kiarabu, UAE. Kwa mujibu wa ripoti iliyoandaliwa na Merrill Lynch, Uturuki ni moja ya nchi 5 ambazo ni washirika wakubwa wabiashara na Iran hasa katika sekta ya nishati na biashara za rejareja na baadaye katika sekta ya magari.
Aidha kutokana na kuondoshwa kwa vikwazo hivi, shirika la TUPRAŞ ambalo lilikua likinunua mafuta ghafi kutoka Iran linategemewa kung'aa zaidi katika nyanja hizo.
#Gazeti lşa Yeni Şafak: Uturuki yaendelea kuvutia wawekezaji wa kigeni
Idadi ya wawekezaji wa kigeni imeendelea kuongezeka nchini Uturuki. Uwekezaji wa kiasi cha dola milioni 846 ulifanywa kwa mwezi Mei na jumla ya kiasi cha dola bilioni 4 milioni 905 katika kipindi cha miezi mitano ya kwanza. Takriban mashirika ya kigeni 169 yalianzishwa mwezi Mei mwaka huu huku makampuni 9 ya ndani ya nchi yakishirikiana katika uwekezaji na mashirika ya kigeni. Nchi za Umoja wa Ulaya zinaongoza katika orodha ya wawekezaji katika kipindi cha miezi 5 ya mwanzo.
Nchi za Umoja wa Ulaya zzimewekeza kwa asilimia 44 ya uwekezaji wote, na nchi za bara la Asia kwa asilimia 30.
#Gazeti la Milliyet: Wasanii wawili wa Kituruki mjini Beijing
Kazi za wasanii wawili wa Kituruki, Gonul Nuhoğlu na Elektra KB zimechaguliwa na kıuingizwa katika makumbusho ya sanaa ya Yin Chuan mjini Beijing.
Kazi ya Nuhoğlu inayojulikana kwa jina la "Castle" pamoja na ile ya Elektra "Safari", "maandamano katika koloni la Wapalestina 2" zimechaguliwa kuingia katika makumbusho hayo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.