Wananchi wampongeza Magufuli kupeperusha Bendera CCM*Washauri maridhiano yafanyike ndani ya chama kunusuru Mpasuko.

Siku chache baada ya chama cha mapinduzi CCM kumpata mgombea wake wa katika kiti cha urais,baadhi ya wananchi na wananchama wa chama hicho wameutaka uongozi wa juu kufanya maridhiano na makundi ambayo yanaonekana kutoridhika na mchakato ili kujenga umoja ndani ya chama utakaokisaidia chama hicho kupata ushindi wa kishindo katika uchaguzi mkuu wa october 2015.

Baadhi ya wanachama wa chama cha mapinduzi na wananchi hususani wakazi wa Dar es Salaam wameonesha kuridhishwa na mcahakato huo uliomteua Dr.John Pombe magufuli kupeperusha bendera ya CCM katika uchaguzi mkuu wa October na kuutaka uongozi wa juu wa chama hicho kufanya maridhiano kumaliza mivutano ya ndani na nje ya chama ili kuwe na nguvu moja ya kumnadi mgombea wao pale kipyenga cha kampeni kitakapopulizwa.

Aidha wakazi wa jiji la Dar es salaam nao wamepewa wito wa kujitokeza kwa wingi na kujiandikisha katika daftari la kudumu la kupiga kura pale zoezi hilo litakapoanza jijini dar es salaam ili kupata fursa ya kupiga kura kama haki ya msingi ya raia zoezi litakalosaidia kuwaondoa madarakani viongozi wasiotekeleza matakwa ya wananchi na kuwaweka madarakani viongozi waadilifu watakaosaidia kusukuma gurumu la maendeleo baaada ya uchaguzi mkuu wa October 2015.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.