Zaidi ya tani moja ya samaki zateketezwa baada ya kuvuliwa kwa sumu katika ziwa victoria.

Zaidi ya tani moja ya samaki aina sato wamekamatwa muda mfupi kabla ya kufikishwa sokoni baada ya kubainika kuvuliwa kwa kutumia sumu katika ziwa victoria eneo la kitongoji cha egenge kijiji cha busamba katika halmashauri ya musoma vijijini mkoani mara.

Mwenyekiti wa serikali ya kijiji cha Busamba katika halmashauri hiyo ya musoma vijijini mkoani mara,amesema baada ya kupata taarifa kuhusu wavuvi hao kuvua samaki kwa kutumia sumu,walipiga yowe na kwamba kabla ya wananchi wa kitongoji hicho cha egenge kukusanyika katika eneo hilo,wavuvi hao walikimbia na kutelekeza samaki na nyavu zilizohusika kwa kuvulia samaki hao.

Kwa upande wake diwani wa kata ya etaro anayemaliza muda wake Bw. Paul Salamba,amesema uvuvi huo umekithiri katika eneo hilo na kwamba licha ya kujulisha mamlaka husika lakini hadi sasa hakuna hatua ambazo zimechukuliwa, hatua ambayo pia imekuwa ikitafasiliwa inawezekana kuna baadhi ya maafisa wa idara ya uvuvi ambao wamekuwa wakijihusisha na uvuvi huo haramu.

Hata hivyo samaki hao na nyavu zilizohusika katika uvuvi huo haramu zimetekezwa kwa mto chini ya ulinzi wa wananchi wenyewe pamoja na askari wa jeshi la Polisi katika eneo hilo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.