Mwezi wa Ramadhani huwa na nema kubwa kwa Waislam kwani huongeza mapenzi baina ya ona huwezesha maksini, wasiojiweza, na yatima kusaidiwa kwa kiasi kikubwa.
Pia huleta amani, upendo na ukaribu baina ya watu. Kuna mengi zaidi ya kuyaelezea kuhusiana na mwezi huu ukiachana na hayo niliyoyataja.
Dhana na msingi mkuu wa kanuni za Kiislam ambazo zimetolewa kutoka klatika Quran na mwangaza wa Sunna na hadithi za Mtume ni kuhakikisha kuwa watu wanakua wenye furaha.
Ingawa suala la furaha kwa binadam ni tata sana, lakini Uislam unawaamuru waumini wake kujifanyia matendo mazuri na kuzifanyia familia zao, jamii zao, nchi zao na dunia nzima kwa ujumla.
Kauli mbiu ya wizara ya masula ya dini mwaka huu ni “kufanya mema”, hivyo wizara hii imeelekeza nguvu zake kuhakikisha kuwa kauli mbiu hiyo inatimizwa. Lengo kuu likiwa ni kuwawekea watu mazingira ya kufanya matendo mazuri tu.
Jambo hili linafanywa kwa kufuata maamrisho ya Quran na mafunzo ya Mtume Muhammad kama isemavyo moja ya sura za Quran, Surat Al- asr “Kuamrishana kufanya mema”.
Tutakua naye Profesa Ramadhan Gozen ambaye ni mkufunzi wa idara ya Uhusiano wa kimataifa katika chuo kikuu cha Marmara.
Yafuatayo ndio maelezo aliyoyatoa mtaalamu wetu, profesa Gozen kuhusiana na mada yetu ya leo.
Jambo la kwanza ambalo tunapaswa kulielezea hapa ni kuwa kufanya wema ni fadhila. Tunaweza kuifupisha na kujadili jambo hili ambalo huchukua maelezo mengi katika falsafa kama ifuatavyo.
Kwanza fadhila ya kufanya wema inajumuisha shughuli zote na makubaliano ambayo watu hufanya. Hii inaweza kuwa na pande mbili upande hasi na upande chanya.
Kwa upande chanya, kufanya wema au matendo mazuri huleta matokeo mazuri kwa mfanyaji na watu wote.
Hii huwezeshwa na kuendelezwa kwa kuwasaidia wengine, kushirikiana katika kazi, kuwafanyia wema majirani na mifano mingine kedekede ambayo huleta faida kwa watu.
Upande mwingine una matendo mabaya ni kufanya mambo ambayo yatakuwa na madhara kwa mfanyaji na watu annaowafanyia.
Hatutakiwi kujipa madhara wenyewe au kuwadhuru wengine, kuiba mali za watu, kuwaathiri watu kisaikolojia au kimwili na kutowasumbua wengine.
Kiukweli inakubalika kwamba hata kufanya kitendo kimoja tu ambacho kitaleta furaha kwa watu ni muhimu sana.
Moja ya malengo makuu ya Uislam ambayo kila mtu anakubaliana nayo ni kufundisha namna ya kufanya matendo mazuri.
Kwa maneno mengine ni kuwa Uislam umejitokeza kwa watu na namna zake za kipekee, njia, namna na muongozo kwa watu.Kwa mfano matendo yote yanayofanywa mwezsi wa Ramadhani yanadhihirisha jambo hili. Na lengo kuu si mwezi wa Ramdhani bali kuishi kwa kufuata taratibu hizi katika kipindi chote cha maisha.
Hata hivyo mjadala mkubwa unazuka linapokuja suala zima la utekelezaji.
Na hili husababishwa pengine na mana ya kufanya matendo mazuri inayotolewa au namna inavyotekelezwa.
Je walimu kujitolea kufuındisha wanafunzi, matajri kutoa nkuwasaidia masikini(kidini huitwa Zaka au sadaka) au kuisaidia nchi iliyokumbwa na tetemeko inatosha kuwa matendo mema?
Na j eni matendo kama kuiba kutoka katika bustani ya mwingine, kuua au kumuonea mtu ambayo huelezea matendo mabaya?
Jambo hili linachanganya sana likiwekwa katika nyanja za kimataifa. Je kufanya wema inapaswa iwe kwa ndugu na jamaa au taifa lako tuu au kwa watu wote duniani bila kikomo.
Jambo hili ukilifikiria kwa nyanja ya kimataifa linachanganya sana kwakua watu wa kimataifa wanauana katika vita na hawajali utu. Hata sheria zxa sasa za kimataifa zinapata ugumu katika utekelezwaji wake.
Jambo jingine ni hadithi isemayo “Si muislam ambaye atalala akiwa kashiba huku jirani yake anakufa kwa njaa”.
Je hapa jirani alokusudiwa ni yupi?? Yani je hadithi hii ililenga watu wa mtaani kwako, watu wa nchi yako, au ni wale waliopo ndani ya bara lako.
Sheria hii haitakiwi iwe kwa Waislam tuu bali kwa kila mtu. Mfano mzuri ni Nchi tajiri za Ulaya na Marekani ambazo zilitawala na kufanya ukoloni barani Afrika, Ulaya na Asia.
Je walifanya kuhusiana na hadithi hii?.
Ni vigumu kuıyaepuka maswali kama haya. Hata hivyo bado utakuta mifano mingi katika dini ya Uislam au dini nyingine ya watu waliojaribu kujituma na kufanya matendo mazuri.
0 comments:
Post a Comment