4 wafariki katika ajali ya ndege iliyotokea katika mji wa San Diego kusini mwa Marekani.

Watu wanne wameripotiwa kupoteza maisha baada ya ndege mbili ndogo kugongana angani katika mji wa San Diego ulioko kusini mwa Marekani.
Kwa mujibu wa maelezo yaliyotolewa na msemaji wa idara ya usafiri wa angani nchini Marekani Ian Gregory, ndege hizo mbili ziligongana wakati zilipokuwa zikikaribia kutua katika uwanja wa ndege wa Brown Field.
Gregory pia alifahamisha kuanzishwa kwa uchunguzi kuhusiana na chanzo cha ajali hiyo iliyosababisha vifo vya watu wanne.
Idara ya kulinda mazingira na misitu ya California pia imetoa maelezo na kuarifu kwamba mabaki ya ndege hiyo yalitawanyika na kuangukia kwenye eneo lenye ukubwa wa mita 400.
Moto mkubwa ulizuka katika eneo la ajali hiyo na timu ya wazima moto ikafanikiwa kukabiliana nao. Miili ya watu wanne waliofariki pia ilipatikana katika eneo la ajali.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.