Boti yenye abiria 23 yazama L.Victoria.

Boti moja iliyokuwa imebeba abiria 23 imegongana na mtumbwi wa wavuvi na kuzama katika ziwa Victoria Magharibi mwa Kenya.
Taarifa hiyo iliyotokea hivi punde kutoka kwa shirikika la msalaba mwekundu la Kenya, zinasema kuwa boti mbili zilizokuwa zimebeba zaidi ya watu 200 ziligongana na kuzama.
Ajali hiyo ilitokea mwendo wa saa kumi na mbili asubuhi hii leo.
Hadi kufikia sasa idadi ya watu walioangamia haijajulikana ila afisa wa Polisi katika eneo hilo amesema kuwa miili ya watoto wawili imepatikana.
Ajali hiyo imetokea karibu na visiwa viwili vidogo ndani ya ziwa Victoria viitwavyo Kiwa na Remba Magharibi mwa Kenya.
Boti hiyo iliyokuwa na abiria ilikuwa inaelekea Sori kutoka kisiwa cha Remba.
Shughuli za uokoaji zinaendelea huku maafisa wa idara za serikali ya Kenya na wavuvi wakishirikiana kuwanusuru abiria hao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.